Almaty oblysynda ataýly áleýmettik kómekke 7,1 mlrd teńge bólindi
Almaty oblysynda 1 451 999 adam AÁK alýshylar qatarynda. Bul óńir halqynyń 3,2%-yn quraidy.
Biylǵy jyly ataýly áleýmettik kómek tóleýge 7,1 mlrd teńge bólindi, onyń ishinde respýblikalyq biýdjetten – 5,7 mlrd teńge, jergilikti biýdjetten –1,4 mlrd teńge, jergilikti biýdjetten qosa qarjylandyrý 20%-dy qurap otyr.
Aǵymdaǵy jylǵy 1 tamyzdaǵy jaǵdai boiynsha Almaty oblysyndaǵy 8 688 otbasy, iaǵni 46 869 adam ataýly áleýemttik kómek alǵan. Olarǵa jalpy somasy 2 mlrd 732,2 mln teńge tólendi.
Esterińizge salamyz, AÁK alýshy otbasyǵa Úkimettiń qosymsha kepildendirilgen áleýmettik paketi beredi. Atalmysh kómek túrine respýblikalyq biýdjetten – 1,0 mlrd jergilikti biýdjetten – 62 mln teńge jalpy sany 1,1 mlrd teńge bólingen. Nátijesinde, ústimizdegi jylǵy 1 tamyzdaǵy jaǵdai boiynsha 12 150 bala 1 jastan 6 jasqa deiingi balalar úshin kepildendirilgen áleýmettik paketpen qamtamasyz etiledi.
– Aǵymdaǵy jylǵy 1 tamyzdaǵy jaǵdai boiynsha Almaty oblysy boiynsha AÁK alýshylar qatarynda 12 861 adam eńbekke jaramdy bolyp tabylady, onyń ishinde 7 576 adam ótinish bergen kezde jumysqa ornalasqan, 1401 adam jumyspen qamtýǵa járdemdesýdiń belsendi sharalaryna tartylǵan. 1204 adam turaqty jumysqa ornalasyp, 129 adam ýaqytsha jumyspen qamtý sharalaryna jiberilgen, 30 adam áleýmettik kómek alýǵa jiberilgen jumys oryndary, 33 adam oqýǵa jiberildi, 4 adam jastar praktikasyna jiberildi, 1 adam kásipkerlik bastamashylyqqa járdem kórsetildi, – deidi Almaty oblysy jumyspen qamtýdy úilestirý jáne áleýmettik baǵdarlamalar basqarmasynyń áleýmettik kómek jáne múgedekterge qyzmet kórsetý bóliminiń basshysy Syrym Sársebekov.
Aita keteiik, biylǵy jyldyń 7 aiynyń qorytyndysy boiynsha ótken jylmen salystyrǵanda AÁK taǵaiyndaý 16%-ǵa azaidy. Alaida, oblystyń keibir aýdandarynda AÁK alýshylardyń sany artqany baiqalady. Osyǵan bailanysty aýdandar bólinisinde AÁK taǵaiyndaý monitoringi júrgizildi. Nátijesinde AÁK taǵaiyndaý Qarasai aýdanynda –12%-ǵa, Balqash aýdany 7%-ǵa, Jambyl aýdany – 4%ǵa ulǵaiǵany anyqtaldy.
