Almaty oblysyndaǵy Boraldai aýylynda jańa qonys ielerine kilt tapsyrý rásimi ótti,- dep habarlaidy Dalanews.kz.
"2023-2029 jyldarǵa arnalǵan turǵyn úi-kommýnaldyq infraqurylymdy damytý" memlekettik baǵdarlamasy aiasynda áleýmettik osal sanattaǵy 22 otbasy baspanaǵa ie boldy. Jyl sońyna deiin aýdanda taǵy 200 jaldamaly páter beriledi dep josparlanýda.
Ile aýdanynyń ákimi Qaiyrjan Jaqsymbetovtyń aitýynsha, halyqty turǵyn úimen qamtamasyz etý – basty áleýmettik mindetterdiń biri.
"Biz ár otbasy, ásirese áleýmettik osal sanattaǵy azamattar úshin jeke baspananyń mańyzdylyǵyn jaqsy túsinemiz. Aldaǵy jyldary bul baǵyttaǵy jumysty jalǵastyryp, múmkindiginshe kezektegi azamattardyń armandaǵan páterine qol jetkizýine jaǵdai jasaimyz", - dedi aýdan ákimi.
Ile aýdanynda qandai úiler salynyp jatyr?
Qazir Ótegen batyr kentinde 72 páterlik úsh turǵyn úidiń qurylysy aiaqtalýǵa jaqyn. Bul páterler "Otbasy bank" arqyly kezekte turǵan azamattarǵa úlestiriledi.
"Turǵyn úi-kommýnaldyq infraqurylymdy damytý" memlekettik baǵdarlamasy qoljetimdi baspana máselesin sheshýge jáne myńdaǵan qazaqstandyqtyń ómir súrý sapasyn jaqsartýǵa baǵyttalǵan.
