Almaty oblysynda «Abai oqýlary» ótti
Memlekettik tildiń qoldanys aiasyn keńeitý, Abai shyǵarmashylyǵyn nasihattaý arqyly qazaq mádenietine, tili men ádebietine degen ult jastarynyń yqylasyn arttyrý maqsatynda ótkizilgen sharaǵa 17 men 29 jas aralyǵyndaǵy 17 úmitker qatysyp, baq synady.
Baiqaýdy uiymdastyrýshylardyń sózinshe, óskeleń urpaqty Abai Qunanbaiulynyń muralaryna qyzyqtyrý, poeziiaǵa baýlý kezek kúttirmeitin másele. Jalpy ádebietke degen qushtarlyqty búginnen bastap qalyptastyrý kerek. Muny oblystyń ár aýdanynan kelgen úmitkerler de jete túsinse kerek, olar boiyndaǵy barlyq ónerin ortaǵa salyp, qazylarǵa ózderiniń osal emes ekendigin dáleldeýge tyrysty.
Qazylar alqasy demekshi, baiqaýǵa qatysýshylarǵa I. Jansúgirov atyndaǵy Jetisý memlekettik ýniversiteti filologiia ǵylymdarynyń kandidaty, dotsent Sailaý Qojaǵulov, Taldyqorǵan qalalyq bilim bólimi ádistemelik kabinetiniń ádiskeri Máriia Sádýaqasova, Almaty oblysynyń tilderdi damytý jónindegi basqarmasynyń basshysy Aidar Bashbaev tórelik etti.
Baiqaýdy ashqan basqarma basshysy Aidar Karbozuly : «Abai álemi bizdi jeti túne adastyrmas temirqazyq ispetti. Soǵan qarap, tirligimizdiń durys-burysyn sarapati alamyz. Óz halqyn «óssin-órkendesin» deitin ár azamat áýeli Abaidy oqysyn, Abaiǵa qulaq assyn» degen Elbasy Nursultan Ábishuly Nazarbaevtyń sózin jan-júregimen túisingen azamattar qatary jyl saiyn Abai oqýlaryna qatysqan sanaly urpaqpen tolyǵyp keledi. Dástúrge ainalǵan «Abai oqýlary» biyl da óz jalǵasyn taýyp otyr. Bilekke emes, bilimge senetin ǵasyrda qoǵamnyń irgetasyna berik kirpish bolyp qalanar ózderińizdei azamattar uly Abai armandaǵan biikten kórinerine bek senimdimin. Ózderińizge tek sáttilik tileimin» dedi.
Eki kezeńnen turǵan baiqaý óte tartysty ótti deýge bolady. «Sen tur men aitaiyn» degen qatysýshylar arasynan úzdikti anyqtaý ońai bolmady. Degenmen, qazylar alqasynyń tóraǵasy Sailaý Qajybekuly baiqaý bolǵannan keiin jeńimpazdyń bolatynyn tilge tiek etip, baǵy janǵandardyń aty-jónin anyqtady.
Sonymen, «Abai oqýlary» oblystyq baiqaýynyń bas júldesin Qaratal aýdanynan kelgen Saltanat Baibosynova enshilep, respýblikalyq abai oqýlaryna qatysýǵa joldama aldy. Al birinshi orynǵa Panfilov aýdanynan qatysqan Erqanat Zákenov laiyq dep tabyldy. Ekinshi oryn eki qatysýshyǵa buiyrdy. Naqtyraq aitsaq, Saltanat Ótebai (Qarasai aýdany) men Sultan Jaqypbekov ( Aqsý aýdany) ielendi.Úshinshi oryn úsh adamǵa tiesili boldy: Móldir Jumabaeva ( Eńbekshiqazaq aýdany), Merýert Áýbákirova (Sarqan aýdany) jáne kenshiler qalasynan kelgen Medet Týteev aldy. Yntalandyrý syilyǵy aqyndar men batyrlar eli Jambyl aýdanynan kelgen Gúlmaral Temiráli men Aidana Musaǵulovaǵa (Kerbulaq aýdany) berildi. Barlyq jeńimpazǵa basqarmanyń arnaiy diplomy men aqshalai syilyǵy tabys etildi.
