2026 jylǵy 14 qazanda Almatydaǵy SmArtPoint IT-habynda IV Qazaqstan IGF 2026 – Internetti basqarý jónindegi ulttyq forým ótedi. Atalǵan alańda memlekettik organdar, biznes, IT-qoǵamdastyq, azamattyq sektor jáne akademiialyq orta ókilderi bas qosyp, elimizdiń tsifrlyq damýyndaǵy ózekti máselelerdi talqylaidy, dep habarlaidy dalanews.kz.
Biylǵy forýmda Tsifrlyq kodeksti is júzinde qoldaný, jasandy intellektini qaýipsiz ári jaýapkershilikpen paidalaný, azamattardyń tsifrlyq quqyqtaryn qorǵaý jáne Qazaqstannyń internet-infraqurylymyn damytý máselelerine erekshe nazar aýdarylady.
Forým baǵdarlamasyna jasandy intellektini jaýapkershilikpen paidalaný, internettegi balalardyń qaýipsizdigi, Tsifrlyq kodeksti iske asyrý, tsifrlyq aktivterdi retteý jáne «Tsifrlyq quqyqtardyń saqtalýy reitingi – 2026» nátijeleriniń tanystyrylymy engizilgen. Sondai-aq internetti kóp tarapty basqarýdyń ornyqty damý maqsattaryna qol jetkizýdegi róli talqylanady.
Is-shara aiasynda «Tsifrlyq ekonomikaǵa arnalǵan tsifrlyq mamandyqtardy daiarlaý» sessiiasy uiymdastyrylyp, Kiberquqyq mektebiniń sarapshylary zańgerlerge arnalǵan jasandy intellekt boiynsha jańa kýrsty tanystyrady. Baǵdarlama IT-jobalar men jasandy intellekt tehnologiialaryn quqyqtyq súiemeldeýge qajetti praktikalyq daǵdylardy damytýǵa baǵyttalǵan.
Qazaqstan IGF 2026 forýmyn «Eurasian Digital Foundation» qory men «Qazaqstannyń tsifrlyq quqyqtar ortalyǵy» zań firmasy uiymdastyrady. Is-shara Birikken Ulttar Uiymy Bas hatshylyǵynyń qoldaýymen ótkizilip, oǵan memlekettik organdar, halyqaralyq uiymdar, joǵary oqý oryndary men salalyq qaýymdastyqtardyń ókilderi qatysady.
Forýmǵa qatysý úshin aldyn ala tirkelý qajet. Qatysýshylar is-sharaǵa Almaty qalasynda oflain formatta qatysa alady nemese onlain transliatsiia arqyly qosylýǵa múmkindik alady.
Tolyq aqparat pen tirkelý tártibi Qazaqstan IGF resmi saitynda jariialanǵan.
