Atalǵan tapsyrmany oryndaý úshin kelesi jyly bul baǵytqa jarty milliard teńge bólingen. Almaty oblysy ákiminiń orynbasary Rýstam Álidiń sózinshe, óńirde Panfilov, Alakól, Eńbekshiqazaq, Qarasai, Kegen, Jambyl jáne Talǵar aýdandarynda 9 jańa dene shynyqtyrý-saýyqtyrý kesheni iske qosyldy. «Táýelsizdikke tratý» aktsiiasy aiasynda taǵy 3 nysan jeltoqsan aiynyń sońyna deiin paidalanýǵa beriledi.
– Almaty oblysynyń ákimi Amandyq Batalov salaýatty ómir saltyna erekshe kóńil bóledi. Óńirde buqaralyq sportty damytý boiynsha «2021-2025» baǵdarlamasy ázirlenýde. Memleket basshysynyń tapsyrmasyn iske asyrý úshin oblystyń 20 aýdany-qalalarynda fýtbol, voleibol, basketbol jáne t.b. sport túrleri boiynsha «Jetisý áýesqoi ligasy» buqaralyq sport federatsiialaryn qurý kózdelgen. Joǵaryda aitylǵandardan basqa, qosymsha 7 DSK kelesi jyldyń sońyna deiin tapsyrylady. Búgingi kúni obektilerdiń JSQ daiyn jáne bekitýdi kútýde. Barlyǵy 20 keshen 2022 jylǵa deiin paidalanýǵa beriledi, – dedi Rýstam Áli.
Aita ketý kerek, dene shynyqtyrý jáne sport basqarmasynyń málimetinshe, Jetisý óńirinde 3702 sport ǵimaraty, onyń ishinde 808 dene shynyqtyrý-sport nysany, 2652 bilim berý mekemesi jáne 242 sport mektebi jumys isteidi.
Taldyqorǵanda olimpiadalyq standarttar boiynsha júzý basseininiń qurylysy aiaqtalýda, ony álem chempionattaryna deiin ótkizýge bolady.
