الماتى وبلىسىندا ەلباسى مەن مەملەكەت باسشىسى قاسىم-جومارت توقايەۆتىڭ تاپسىرماسىن ىسكە اسىرۋ بويىنشا اۋقىمدى جۇمىستار قولعا الىنعان.

اتالعان تاپسىرمانى ورىنداۋ ءۇشىن كەلەسى جىلى بۇل باعىتقا  جارتى ميلليارد تەڭگە بولىنگەن. الماتى وبلىسى اكىمىنىڭ ورىنباسارى رۋستام ءاليدىڭ سوزىنشە، وڭىردە پانفيلوۆ، الاكول، ەڭبەكشىقازاق، قاراساي، كەگەن، جامبىل جانە تالعار اۋداندارىندا 9 جاڭا دەنە شىنىقتىرۋ-ساۋىقتىرۋ كەشەنى ىسكە قوسىلدى. «تاۋەلسىزدىككە تراتۋ» اكسياسى اياسىندا تاعى 3 نىسان  جەلتوقسان ايىنىڭ سوڭىنا دەيىن پايدالانۋعا بەرىلەدى.

– الماتى وبلىسىنىڭ اكىمى اماندىق باتالوۆ سالاۋاتتى ءومىر سالتىنا  ەرەكشە كوڭىل بولەدى. وڭىردە بۇقارالىق سپورتتى دامىتۋ بويىنشا «2021-2025» باعدارلاماسى ازىرلەنۋدە. مەملەكەت باسشىسىنىڭ تاپسىرماسىن ىسكە اسىرۋ ءۇشىن وبلىستىڭ 20 اۋدانى-قالالارىندا فۋتبول، ۆولەيبول، باسكەتبول جانە ت.ب. سپورت تۇرلەرى بويىنشا «جەتىسۋ اۋەسقوي ليگاسى» بۇقارالىق سپورت فەدەراسيالارىن قۇرۋ كوزدەلگەن. جوعارىدا ايتىلعانداردان باسقا، قوسىمشا 7 دسك  كەلەسى جىلدىڭ سوڭىنا دەيىن تاپسىرىلادى. بۇگىنگى كۇنى وبەكتىلەردىڭ جسق دايىن جانە بەكىتۋدى كۇتۋدە. بارلىعى 20 كەشەن  2022 جىلعا دەيىن پايدالانۋعا بەرىلەدى، – دەدى رۋستام ءالي.

ايتا كەتۋ كەرەك، دەنە شىنىقتىرۋ جانە سپورت باسقارماسىنىڭ مالىمەتىنشە، جەتىسۋ وڭىرىندە 3702 سپورت عيماراتى، ونىڭ ىشىندە 808 دەنە شىنىقتىرۋ-سپورت نىسانى، 2652 ءبىلىم بەرۋ مەكەمەسى جانە 242 سپورت مەكتەبى جۇمىس ىستەيدى.

تالدىقورعاندا وليمپيادالىق ستاندارتتار بويىنشا ءجۇزۋ باسسەينىنىڭ قۇرىلىسى اياقتالۋدا، ونى الەم چەمپيوناتتارىنا دەيىن وتكىزۋگە بولادى.