Máselen, tek bıyldyń ózinde óńirde 7 jańa dene shynyqtyrý-saýyqtyrý kesheni qoldanysqa beriledi. Qurylys jumystary Raıymbek, Eskeldi, Balqash, Kóksý, Uıǵyr, Qarasaı jáne Aqsý aýdandarynda atqarylýda. Atalǵan altaýy kúzde úlestirilmek.
Taıaýda qoldanysqa beriletin teńdessiz nysandardyń jalpy aýdany 29,5 myń sharshy metr. Al, qurylys nysandarynyń jalpy quny 8 mıllıard teńge.
Jalpy, qurylysy bastalǵan nysandardyń tórteýi «Aýyl – el besigi» jobasy aıasynda salynyp jatyr. Bul rette qazir aýyl jastarynyń sportpen shuǵyldanýyna aıryqsha mán berilip otyrǵanyn aıta ketken jón. Máselen, Almaty oblysynda 408 myńnan astam jas bolsa, sonyń 320 myńǵa jýyǵy aýyldyq jerlerde turady.
Almaty oblysynda sporttaǵy saıypqyrandaryn, bolashaq chempıondardy qoldaýdy úzgen emes. Oǵan dálel taǵy bir bastama. «Jumyspen qamtýdyń jol kartasy».
Aıasynda aǵymdaǵy jyly 6 sporttyq ǵımarat jańa keıipke enedi. Eńbekshiqazaq aýdany men Taldyqorǵan qalasyndaǵy nysandarǵa kúrdeli, al, aǵymdaǵy jóndeý jumysy Eskeldi, Kerbulaq, İle aýdanynda atqarylady. Bularda óz kezeginde aýyl jastaryn qoldaýǵa baǵyttalǵan. Bul jumystar keler jyly da jalǵasyn tabady.
Oblys basshylyǵynyń qoldaýymen 2022 jyly 17 aýdan men 3 qala tolyqtaı jańa sporttyq-saýyqtyrý keshenderimen qamtylady.
Derekkóz: Abai.kz
https://youtu.be/6w1Yni9KIsM
