ماسەلەن، تەك بيىلدىڭ وزىندە وڭىردە 7 جاڭا دەنە شىنىقتىرۋ-ساۋىقتىرۋ كەشەنى قولدانىسقا بەرىلەدى. قۇرىلىس جۇمىستارى رايىمبەك، ەسكەلدى، بالقاش، كوكسۋ، ۇيعىر، قاراساي جانە اقسۋ اۋداندارىندا اتقارىلۋدا. اتالعان التاۋى كۇزدە ۇلەستىرىلمەك.
تاياۋدا قولدانىسقا بەرىلەتىن تەڭدەسسىز نىسانداردىڭ جالپى اۋدانى 29،5 مىڭ شارشى مەتر. ال، قۇرىلىس نىساندارىنىڭ جالپى قۇنى 8 ميلليارد تەڭگە.
جالپى، قۇرىلىسى باستالعان نىسانداردىڭ تورتەۋى «اۋىل – ەل بەسىگى» جوباسى اياسىندا سالىنىپ جاتىر. بۇل رەتتە ءقازىر اۋىل جاستارىنىڭ سپورتپەن شۇعىلدانۋىنا ايرىقشا ءمان بەرىلىپ وتىرعانىن ايتا كەتكەن ءجون. ماسەلەن، الماتى وبلىسىندا 408 مىڭنان استام جاس بولسا، سونىڭ 320 مىڭعا جۋىعى اۋىلدىق جەرلەردە تۇرادى.
الماتى وبلىسىندا سپورتتاعى سايىپقىراندارىن، بولاشاق چەمپيونداردى قولداۋدى ۇزگەن ەمەس. وعان دالەل تاعى ءبىر باستاما. «جۇمىسپەن قامتۋدىڭ جول كارتاسى».
اياسىندا اعىمداعى جىلى 6 سپورتتىق عيمارات جاڭا كەيىپكە ەنەدى. ەڭبەكشىقازاق اۋدانى مەن تالدىقورعان قالاسىنداعى نىساندارعا كۇردەلى، ال، اعىمداعى جوندەۋ جۇمىسى ەسكەلدى، كەربۇلاق، ىلە اۋدانىندا اتقارىلادى. بۇلاردا ءوز كەزەگىندە اۋىل جاستارىن قولداۋعا باعىتتالعان. بۇل جۇمىستار كەلەر جىلى دا جالعاسىن تابادى.
وبلىس باسشىلىعىنىڭ قولداۋىمەن 2022 جىلى 17 اۋدان مەن 3 قالا تولىقتاي جاڭا سپورتتىق-ساۋىقتىرۋ كەشەندەرىمەن قامتىلادى.
دەرەككوز: Abai.kz
https://youtu.be/6w1Yni9KIsM
