Almaty oblysynyń ákimi Amandyq Batalov Prezıdent janyndaǵy Ortalyq komýnıkasıalar qyzmetinde ótken brıfıń kezinde 2030 jylǵa qaraı sýarmaly jer kólemin 3 mıllıon gektarǵa deıin ulǵaıtý týraly Elbasynyń tapsyrmasy men Prezıdenttiń Joldaýdaǵy mindetteri qalaı oryndalyp jatqanyn aıtyp berdi, – dep habarlaıdy Almaty oblysy ákiminiń baspasóz qyzmeti. 

Spıkerdiń aıtýynsha, belgilengen mindetterge sáıkes 2030 jylǵa qaraı oblys boıynsha 138 myń gektardy qalpyna keltirý josparlanǵan. Sońǵy úsh jylda buryn aınalymnan shyǵyp qalǵan 39 myń gektar sýarmaly jer qaıta tartyldy.

–Bıylǵy jyly 14 myń gektardy qalpyna keltirý úshin ırrıgasıalyq qurylystarǵa 6,3 mlrd. teńgege kúrdeli jóndeý júrgizilýde. Islam damý bankiniń qarjysy esebinen Eskeldi jáne Aqsý aýdandarynda sýarý jelileri qaıta jańartylyp jatyr, – dedi Amandyq Batalov.