سپيكەردىڭ ايتۋىنشا، بەلگىلەنگەن مىندەتتەرگە سايكەس 2030 جىلعا قاراي وبلىس بويىنشا 138 مىڭ گەكتاردى قالپىنا كەلتىرۋ جوسپارلانعان. سوڭعى ءۇش جىلدا بۇرىن اينالىمنان شىعىپ قالعان 39 مىڭ گەكتار سۋارمالى جەر قايتا تارتىلدى.
–بيىلعى جىلى 14 مىڭ گەكتاردى قالپىنا كەلتىرۋ ءۇشىن يرريگاسيالىق قۇرىلىستارعا 6،3 ملرد. تەڭگەگە كۇردەلى جوندەۋ جۇرگىزىلۋدە. يسلام دامۋ بانكىنىڭ قارجىسى ەسەبىنەن ەسكەلدى جانە اقسۋ اۋداندارىندا سۋارۋ جەلىلەرى قايتا جاڭارتىلىپ جاتىر، – دەدى اماندىق باتالوۆ.
