Almaty oblysynda jyl sońyna deiin «Kusto Logistics» kóterme-bólý ortalyǵy, «MP Solution» jáne «Eýraziialyq logistikalyq park», «Imagine Apple Logistics» iri logistikalyq keshender men indýstriialyq parkter paidalanýǵa beriledi. Bul týraly Almaty oblysynyń ákimi Marat Sultanǵaziev Ortalyq kommýnikatsiialar qyzmetindegi brifingte aitty, dep habarlaidy Dalanews.kz.
Ákimniń málimetinshe, osyndai kásiporyndardy ornalastyrý maqsatynda 15 indýstrialdy aimaq qurylyp (Talǵar aýdanynda «Qairat-2», Eńbekshiqazaq aýdanynda «Shelek», Jambyl aýdanynda «Qazybek Bek», «Úlken», Uiǵyr aýdanynda «Tasqarasý», «Suńqar», Qonaev qalasynda «Qonaev», Alataý qalasynda «Bereke» jáne jeteýi Úlken Almaty ainalma jolynyń mańynda) jatyr.
Olardyń ishinde «Qairat-2» indýstrialdyq aimaǵy shetel investorlary esebinen salynsa, Úlken Almaty ainalma jolynyń mańyndaǵy aimaqtardy jer ielerimen birlesip júzege asyrylady.
«Osylaisha, oblysymyzdyń investitsiialyq potentsialyn arttyrý iri kásiporyndardyń ǵana emes, shaǵyn jáne orta biznestiń de damýyna múmkindik berip jatyr. Búginde shaǵyn jáne orta biznestiń jalpy óńirlik ónimdegi úlesi 46,3%-ǵa jetip, olardyń sany 156 myńnan asty (2022 jyly – 116,6 myń), ósim kólemi 33,8% boldy», - dedi Sultanǵaziev.
Bul salada barlyq jumyspen qamtylǵan (740,3 myń adam) halyqtyń úshten bir bóligi jumys isteidi (273 myń adam).
