الماتى وبلىسىندا جىل سوڭىنا دەيٸن «Kusto Logistics» كٶتەرمە-بٶلۋ ورتالىعى, «MP Solution» جەنە «ەۋرازييالىق لوگيستيكالىق پارك», «Imagine Apple Logistics» ٸرٸ لوگيستيكالىق كەشەندەر مەن يندۋسترييالىق پاركتەر پايدالانۋعا بەرٸلەدٸ. بۇل تۋرالى الماتى وبلىسىنىڭ ەكٸمٸ مارات سۇلتانعازيەۆ ورتالىق كوممۋنيكاتسييالار قىزمەتٸندەگٸ بريفينگتە ايتتى, دەپ حابارلايدى Dalanews.kz.
ەكٸمنٸڭ مەلٸمەتٸنشە, وسىنداي كەسٸپورىنداردى ورنالاستىرۋ ماقساتىندا 15 يندۋستريالدى ايماق قۇرىلىپ (تالعار اۋدانىندا «قايرات-2», ەڭبەكشٸقازاق اۋدانىندا «شەلەك», جامبىل اۋدانىندا «قازىبەك بەك», «ٷلكەن», ۇيعىر اۋدانىندا «تاسقاراسۋ», «سۇڭقار», قوناەۆ قالاسىندا «قوناەۆ», الاتاۋ قالاسىندا «بەرەكە» جەنە جەتەۋٸ ٷلكەن الماتى اينالما جولىنىڭ ماڭىندا) جاتىر.
ولاردىڭ ٸشٸندە «قايرات-2» يندۋستريالدىق ايماعى شەتەل ينۆەستورلارى ەسەبٸنەن سالىنسا, ٷلكەن الماتى اينالما جولىنىڭ ماڭىنداعى ايماقتاردى جەر يەلەرٸمەن بٸرلەسٸپ جٷزەگە اسىرىلادى.
«وسىلايشا, وبلىسىمىزدىڭ ينۆەستيتسييالىق پوتەنتسيالىن ارتتىرۋ ٸرٸ كەسٸپورىنداردىڭ عانا ەمەس, شاعىن جەنە ورتا بيزنەستٸڭ دە دامۋىنا مٷمكٸندٸك بەرٸپ جاتىر. بٷگٸندە شاعىن جەنە ورتا بيزنەستٸڭ جالپى ٶڭٸرلٸك ٶنٸمدەگٸ ٷلەسٸ 46,3%-عا جەتٸپ, ولاردىڭ سانى 156 مىڭنان استى (2022 جىلى – 116,6 مىڭ), ٶسٸم كٶلەمٸ 33,8% بولدى», - دەدٸ سۇلتانعازيەۆ.
بۇل سالادا بارلىق جۇمىسپەن قامتىلعان (740,3 مىڭ ادام) حالىقتىڭ ٷشتەن بٸر بٶلٸگٸ جۇمىس ٸستەيدٸ (273 مىڭ ادام).
