Tabıǵattyń laǵyl-marjany toǵysqan ólke, Almaty oblysynyń týrısik áleýeti joǵary. Aımaqtaǵy sulýlyqty kózben kórýge keletinderdiń sany jyl sanap artyp keledi. «eQonaq» júıesiniń málimeti boıynsha bılyǵy jyldyń sońǵy alty aıynda 72 myńnan astam sheteldik týrıs kelgen, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.
.
Týrıserdi qyzyqtyratyn basty jaıt óńirdiń klımaty. Qońyr salqyn aýa-raıynda, shildeniń shilińgir ystyǵynda sezinýge bolady. Sonymen qatar, oblystyq týrızm basqarmasynyń muryndyq bolýymen ótkiziletin aýqymdy sharalarda kóptiń qyzyǵýshylyǵyn arttyrýda.
Atap aıtqanda, 24-28 shilde kúnderi Jambyl aýdanynda «Samal» festıváli ótti. Sharǵa Ortalyq Azıadan 5000 myńǵa jýyq kásipker qatysty. Budan bólek, mamyr aıynda «Tengri Ultra» marafony ótkizilip, 700 qatysýshynyń basyn biriktirdi.
Bul qatarda «Kólsaı kólderi» ulttyq tabıǵı parkiniń aýmaǵynda malazıalyq «SUHAN MOVIES & TRADING Sdn Bhd» kompanıanyń teleserıaldyń túsirilim jumystaryn ótkizýi oblystyń kórkem tabıǵatyna kóz tikkenderdiń qataryn arttyrǵan jaıy bar.
Almaty oblysy týrızm basqarmasynyń basshysy Qýanyshbek Mırambekulynyń aıtýynsha, oblysqa ınvestısıalar tartý boıynsha jumystar jalǵasyn tabýda.
«Bıylǵy jyly demalys aımaǵy men qonaq úı keshenin, sondaı-aq forel ósiretin toǵan sharýashylyǵyn salý boıynsha jobalar josparlanǵan. Sonymen qatar, taý kýrortyn keńeıtý úshin «Oi-Qaragai» ınvestısıalyq tobymen yntymaqtastyq týraly Memorandýmǵa qol qoıyldy»,-deıdi Qýanyshbek Mırambekuly.
Aıta keteıik, oblysta týrısik oryndardyń ınfraqurylymyn jasartý jumystary jalǵasyn tabýda. Týrıserge qolaıly jaǵdaı jasaý, aımaqtyń týrızm salasymen qosa ekonomıkasyna da eleýli áser etpek. Óıtkeni, týrızm- jergilikti ekonomıkanyń negizgi ósý draıveri.
