تابيعاتتىڭ لاعىل-مارجانى توعىسقان ٶلكە, الماتى وبلىسىنىڭ تۋريستٸك ەلەۋەتٸ جوعارى. ايماقتاعى سۇلۋلىقتى كٶزبەن كٶرۋگە كەلەتٸندەردٸڭ سانى جىل ساناپ ارتىپ كەلەدٸ. «eQonaq» جٷيەسٸنٸڭ مەلٸمەتٸ بويىنشا بيلىعى جىلدىڭ سوڭعى التى ايىندا 72 مىڭنان استام شەتەلدٸك تۋريست كەلگەن, – دەپ حابارلايدى Dalanews.kz الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
.
تۋريستەردٸ قىزىقتىراتىن باستى جايت ٶڭٸردٸڭ كليماتى. قوڭىر سالقىن اۋا-رايىندا, شٸلدەنٸڭ شٸلٸڭگٸر ىستىعىندا سەزٸنۋگە بولادى. سونىمەن قاتار, وبلىستىق تۋريزم باسقارماسىنىڭ مۇرىندىق بولۋىمەن ٶتكٸزٸلەتٸن اۋقىمدى شارالاردا كٶپتٸڭ قىزىعۋشىلىعىن ارتتىرۋدا.
اتاپ ايتقاندا, 24-28 شٸلدە كٷندەرٸ جامبىل اۋدانىندا «Samal» فەستيۆالٸ ٶتتٸ. شارعا ورتالىق ازييادان 5000 مىڭعا جۋىق كەسٸپكەر قاتىستى. بۇدان بٶلەك, مامىر ايىندا «Tengri Ultra» مارافونى ٶتكٸزٸلٸپ, 700 قاتىسۋشىنىڭ باسىن بٸرٸكتٸردٸ.
بۇل قاتاردا «كٶلساي كٶلدەرٸ» ۇلتتىق تابيعي پاركٸنٸڭ اۋماعىندا مالازييالىق «SUHAN MOVIES & TRADING Sdn Bhd» كومپانييانىڭ تەلەسەريالدىڭ تٷسٸرٸلٸم جۇمىستارىن ٶتكٸزۋٸ وبلىستىڭ كٶركەم تابيعاتىنا كٶز تٸككەندەردٸڭ قاتارىن ارتتىرعان جايى بار.
«بيىلعى جىلى دەمالىس ايماعى مەن قوناق ٷي كەشەنٸن, سونداي-اق فورەل ٶسٸرەتٸن توعان شارۋاشىلىعىن سالۋ بويىنشا جوبالار جوسپارلانعان. سونىمەن قاتار, تاۋ كۋرورتىن كەڭەيتۋ ٷشٸن «Oi-Qaragai» ينۆەستيتسييالىق توبىمەن ىنتىماقتاستىق تۋرالى مەموراندۋمعا قول قويىلدى»,-دەيدٸ قۋانىشبەك ميرامبەكۇلى.
ايتا كەتەيٸك, وبلىستا تۋريستٸك ورىنداردىڭ ينفراقۇرىلىمىن جاسارتۋ جۇمىستارى جالعاسىن تابۋدا. تۋريستەرگە قولايلى جاعداي جاساۋ, ايماقتىڭ تۋريزم سالاسىمەن قوسا ەكونوميكاسىنا دا ەلەۋلٸ ەسەر ەتپەك. ٶيتكەنٸ, تۋريزم- جەرگٸلٸكتٸ ەكونوميكانىڭ نەگٸزگٸ ٶسۋ درايۆەرٸ.
