Almaty oblysynda óńir ákimi Marat Sultanǵaziev pen Qytai Halyq Respýblikasynyń Qazaqstandaǵy Tótenshe jáne Ókiletti Elshisi Han Chýnlin arasynda kezdesý ótti, - dep habarlaidy Dalanews.kz.
Kelissózder barysynda taraptar saýda-ekonomikalyq, investitsiialyq jáne týristik salalardaǵy ekijaqty yntymaqtastyqtyń qazirgi jaǵdaiy men damý perspektivalaryn talqylady.
Almaty oblysy ákimdiginiń baspasóz qyzmeti
Saýda ainalymynyń ósýi
Almaty oblysy men Qytai arasyndaǵy saýda-ekonomikalyq bailanystar qarqyndy damýda.
Qytailyq investitsiialar óńirdiń agroónerkásiptik keshenin damytýda mańyzdy ról atqarady. QHR-men kelesi jobalar sátti júzege asyryldy:
• TOO «KIK Jibek Joly» – tamshylatyp sýarý tehnologiialaryn engizý (7,5 mlrd teńge, 450 jumys orny).
• TOO «KIK Jibek Joly» – qurǵaq sút óndirý zaýytynyń qurylysy (7,5 mlrd teńge, 27 jumys orny).
• TOO «KIK Jibek Joly» – qurama jem óndirisi zaýyty (7,5 mlrd teńge, 60 jumys orny).
Bolashaq jobalar qatarynda:
• CITIC CONSTRUCTION CO., LTD – 26 myń ga sýarý júielerin salý jáne jańǵyrtý (234 mlrd teńge).
• SHANGHAI STRATCH BIOTECHNOLOGY Co., Ltd jáne EURASIAN CONTINENTAL BRIDGE Co., Ltd – frýktoza, maltoza jáne laktoza óndiretin zaýyt qurylysy (206,5 mlrd teńge, 2 000 jumys orny).
• Fufeng Group – astyqty tereń óńdeý zaýytynyń qurylysy (1 000 jumys orny).
Almaty oblysy ákimdiginiń baspasóz qyzmeti
Ónerkásip salasynyń damýy
Qytailyq investorlar óńirdegi iri ónerkásiptik jobalarǵa belsendi túrde qatysýda:
• TOO «Jetisý Volfram» – volframdy óńdeý zaýyty (135 mlrd teńge, 350 jumys orny).
• TOO «Kelun Kazpharm» – farmatsevtikalyq fabrika qurylysy (7,5 mlrd teńge, 450 jumys orny).
• TOO «Qazmetproduct» – bolat sym óndirisi (359 mln teńge, 60 jumys orny).
Aldaǵy ýaqytta iske asyrylatyn ónerkásiptik jobalar:
• BAOXIN (Jambyl aýdany) – metallýrgiialyq ónimder óndirisi (106 mlrd teńge, 500 jumys orny).
• TBEA – transformator zaýytynyń qurylysy (50 mlrd teńge, 500 jumys orny).
• TOO «Baulong quice» – arnaiy tehnika qurastyrý (52 mlrd teńge, 1 366 jumys orny).
Týrizm áleýeti
Qytai Almaty oblysynyń negizgi týristik seriktesteriniń biri bolyp tabylady. 2024 jyly óńirge 11 700-den astam qytailyq týrist keldi, bul 2023 jylmen salystyrǵanda 43%-ǵa artyq.
Kezdesýde birlesken týristik marshrýttar qurý, infraqurylymdy damytý jáne qytailyq investorlardy qonaqúi biznesine tartý máseleleri talqylandy.
Infraqurylymdyq jobalar
Kelissózder barysynda Qytaidyń Almaty oblysy infraqurylymyn jańǵyrtýǵa qatysýy basty taqyryptardyń biri boldy.
Usynylǵan jobalar qatarynda:
• Alataý jáne Qonaev qalalarynda injenerlik jelilerdiń qurylysy jáne jańǵyrtý (162 mlrd teńge).
• Oblysta 6 elektr qosalqy stantsiiasyn salý (36 mlrd teńge).
Mádeni bastamalardy qoldaý
Mádeni bailanystardy nyǵaitý aiasynda Qazaqstannyń Halyq ártisi Nurǵisa Tilendievtiń 100 jyldyǵy Beijińde atap ótiletini jariialandy. Bul shara eki el arasyndaǵy mádeni yntymaqtastyqty odan ári kúsheitýge baǵyttalǵan.
Kezdesý qorytyndysy boiynsha taraptar ekijaqty áriptestikti damytýdy jalǵastyrýǵa nietti ekenderin bildirdi.
