Mańǵystaý oblystyq máslihatynyń depýtaty Erbol Aitýovtyń ólimine bailanysty jubaiy Laýra Aitýova shyndyqty talap etip otyr, dep habarlaidy dalanews.kz Nege.kz-ke siltep.
Erli-zaiypty úsh bala tárbielep otyrǵan. Úlkeni 12 jasta, ortanshysy 9 jasta, al kenje qyzy nebári 4 jasta. Anasynyń aitýynsha, balalar áli kúnge deiin ákesi úige oralatynyna senedi.
"Qyzymyzǵa áli eshteńe aitqan joqpyz. Kún saiyn jylap, "Ákem aýrýhanadan qashan keledi?" dep suraidy. Kútip júr. Úlken ulym tuiyqtalyp ketti. Túnde kórpeniń astyna kirip alyp jylaidy. Ortanshy balamyz da qatty kúizelip júr", - deidi Laýra Aitýova.
Marqumnyń jubaiy klinika ókilderi áli kúnge deiin keshirim suramaǵanyn da aitty.
"Aqtaýda mundai ota tek "Qasiet" klinikasynda jasalatyndyqtan, joldasym sol jerdi tańdady. Qazir men úshin eń mańyzdysy - onyń neden jáne qalai qaitys bolǵanyn bilý. Maǵan shyndyq kerek", - dedi ol.
Eske salaiyq, buǵan deiin Aqtaýda depýtat plastikalyq otadan keiin kóz jumǵany habarlandy.
