"Biznes po-kazahski" filmi arqyly kópshilikke tanylǵan akter Qajet Smaǵul jeke ómirindegi mańyzdy jańalyǵyn bólisip, jeli qoldanýshylarynyń qyzý talqysyna tústi. Óner iesi ózinen edáýir jas arýmen nekesin qidyrǵanyn resmi túrde málimdedi, dep habarlaidy dalanews.kz.
Akter bul týraly Threads jáne Instagram paraqshalarynda jazba jariialap, meshit aldynda túsken sýretterin bólisti. Fotolardan juptyń musylmandyq neke qiiý rásiminen ótkenin jáne arnaiy kýálik alǵanyn baiqaýǵa bolady.
Qajet Smaǵul tańdaǵan jarymen aradaǵy jas aiyrmashylyǵyn da jasyrmady. Ol jazbasynda súiiktisiniń ózinen 25 jas kishi ekenin ashyq aityp, qazirgi kóńil kúiin áserli jetkizdi.
"Kóp adam sezip júrgen shyǵar… Ózimnen 25 jas kishi… Júregim tynysh… kózim baqytty… Qalǵanyn keiin aitamyn. Ázirge bárin aitpai-aq qoiaiyn…", – dep jazdy akter.
Degenmen óner iesi qalyńdyǵynyń kim ekenin ázirge jariia etpeýdi jón kórgen. Ol sýretterde jubaiynyń júzin smailikpen jaýyp, jeke ómirindegi bul jańalyqtyń kei tustaryn qupiia qaldyrdy.
Akterdiń bul jazbasy áleýmettik jelide birden tarap, oqyrmandar arasynda túrli pikir týdyrdy. Biri jupqa baqyt tilese, endi biri jas aiyrmashylyǵyna qatysty oilaryn bildirip jatyr.
