Almaty oblysynda polısıa qyzmetkerleri joldyń júris bóliginde at sporty oıyndaryn uıymdastyrǵan er adamdardy jaýapqa tartty, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Áleýmettik jelilerge monıtorıń júrgizý barysynda Eńbekshiqazaq aýdanynyń joldaryndaǵy shabandoz tobynyń jol qozǵalysy erejelerin óreskel buzý faktisi anyqtaldy.

Quqyq buzýshylardy aýdandyq polısıa qyzmetkerleri anyqtap, polısıa bólimine jetkizdi. Jaıaý júrginshiler men jol qozǵalysynyń ózge de qatysýshylary qozǵalys erejelerin buzǵany úshin er adamdar ákimshilik jaýapkershilikke tartyldy.

At sporty oıyndaryn uıymdastyrýshy Eńbekshiqazaq aýdandyq sotymen 7 táýlikke, al tórt qatysýshy 5 táýlikke ákimshilik qamaýǵa alyndy, qalǵandary aıyppulmen jazalandy.

Tártip saqshylary áleýmettik jelilerge, onyń ishinde quqyq buzýshylyqtardy anyqtap ýaqtyly jolyn kesýge baǵyttalǵan turaqty monıtorıń júrgizip otyratynyn atap ótemiz.

Jol qozǵalysynyń barlyq qatysýshylaryn qoǵamdyq tártipti saqtaýǵa jáne jol qozǵalysy men qaýipsizdik erejelerin qatań saqtaýǵa shaqyramyz.