الماتى وبلىسىندا پوليسيا قىزمەتكەرلەرى جولدىڭ ءجۇرىس بولىگىندە ات سپورتى ويىندارىن ۇيىمداستىرعان ەر ادامداردى جاۋاپقا تارتتى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
الەۋمەتتىك جەلىلەرگە مونيتورينگ جۇرگىزۋ بارىسىندا ەڭبەكشىقازاق اۋدانىنىڭ جولدارىنداعى شاباندوز توبىنىڭ جول قوزعالىسى ەرەجەلەرىن ورەسكەل بۇزۋ فاكتىسى انىقتالدى.
قۇقىق بۇزۋشىلاردى اۋداندىق پوليسيا قىزمەتكەرلەرى انىقتاپ، پوليسيا بولىمىنە جەتكىزدى. جاياۋ جۇرگىنشىلەر مەن جول قوزعالىسىنىڭ وزگە دە قاتىسۋشىلارى قوزعالىس ەرەجەلەرىن بۇزعانى ءۇشىن ەر ادامدار اكىمشىلىك جاۋاپكەرشىلىككە تارتىلدى.
ات سپورتى ويىندارىن ۇيىمداستىرۋشى ەڭبەكشىقازاق اۋداندىق سوتىمەن 7 تاۋلىككە، ال ءتورت قاتىسۋشى 5 تاۋلىككە اكىمشىلىك قاماۋعا الىندى، قالعاندارى ايىپپۇلمەن جازالاندى.
ءتارتىپ ساقشىلارى الەۋمەتتىك جەلىلەرگە، ونىڭ ىشىندە قۇقىق بۇزۋشىلىقتاردى انىقتاپ ۋاقتىلى جولىن كەسۋگە باعىتتالعان تۇراقتى مونيتورينگ جۇرگىزىپ وتىراتىنىن اتاپ وتەمىز.
جول قوزعالىسىنىڭ بارلىق قاتىسۋشىلارىن قوعامدىق ءتارتىپتى ساقتاۋعا جانە جول قوزعالىسى مەن قاۋىپسىزدىك ەرەجەلەرىن قاتاڭ ساقتاۋعا شاقىرامىز.
