Qonaev pen Almaty qalalaryndaǵy stantsiialardan Batys Qazaqstan oblysyna sý tasqynymen kúresý úshin arnaiy jáne injenerlik tehnikalar jóneltilýde, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Almaty oblysynan jinalǵan tehnikalar quramynda, kamaz, samosval, traktor, sý tasyǵysh jáne motorly qaiyqtar bar. Tehnikany jóneltýge daiyndyq jumystaryna 300-ge jýyq adam jumyldyryldy, onyń ishinde Tótenshe jaǵdailar departamenti, «Qazaqstan temir joly» AQ ókilderi, 32363 áskeri bóliminiń 55 áskeri qyzmetkeri jáne Qonaev qalasynyń ákimdigi qajetti materialdardy qamtamasyz etip, jabdyqtardy platformaǵa tiedi.
«Mareven Fýd Tian-Shan» seriktestigi men jeke kásipker Arsamaqov sý basqan óńirlerge bara jatqan júrgizýshilerdi azyq-túlikpen qamtamasyz etti.
– Almaty oblysy ákimdiginiń bastamasymen búginde sý tasqynymen kúresý úshin Batys Qazaqstanǵa Qonaev jáne Almaty qalalaryndaǵy stantsiialardan 150 birlik arnaiy tehnika jóneltilýde.
Keshe 60 tehnika jáne ishinde 4 qaiyq tielgen 47 platforma jolǵa shyqty. Sonymen qatar 65 tehnika platformalarǵa tielip jóneltýdi kútip tur. Ár poiyz daiyn bolǵan boida jóneltilip otyrady.
Ár tehnikaǵa bir-bir júrgizýshi taǵaiyndalyp, olar da poiyzdyń basyndaǵy jolaýshylar vagonyna ornalasqan. Bul sharaǵa oblys kásipkerleri, kommýnaldyq qyzmetter men oblystyq basqarmalar, sonymen qatar sharýa qojalyqtary qatysýda. Halqymyzdy tabiǵattan kelgen tosyn jaǵdaidan qaitkende aman alyp shyǵamyz, Bizdiń kúshimiz birlikte, – dedi oblys ákiminiń orynbasary Almas Batanov.
Aita keteiik, aidyń basynda oblystyq tótenshe jaǵdailar departamenti Atyraý qalasyna 33 jeke quram men 13 tehnika attandyrdy, olar kúni búginge deiin bar. Abai aýdanyna 6 qutqarýshy men 2 birlik tehnika jiberildi. Al búgin 4 qutqarýshy men 2 qaiyq jóneltiledi.
Jóneltilgen tehnika shamamen úsh kún jol júrip jáne ýchaskege jetken soń barlyq qajetti jumystardy bastaidy.
