Almaty oblysynyń ákimi Marat Sultanǵazıevtiń qatysýymen Talǵar, Eńbekshiqazaq aýdandarynyń ortalyqtarynda Ulyq meıram Áz-Naýryzdy toılaý sharalary ótti. Jıynǵa turǵyndar men, aımaqtyń ardagerleri, aýdandardyń qurmetti aqsaqaldary qatysty.
Aımaq basshysy jınalǵan aýdan men aýyl turǵyndaryn jáne barsha qaýymdy Naýryz merekesimen quttyqtady.
-Barshańyzdy yrys pen yntymaqtyń, birlik pen berekeniń, jaqsy isterdiń bastaýy - Ulystyń uly kúnimen shyn júrekten quttyqtaımyn! Bıyl El prezıdenttiniń tapsyrmasy baǵytynda «Naýryznamanyń» jańa tujyrymdamasy daıyndaldy.
Osy turǵyda qazaqstandyqtar elimizdiń basty merekesi "Naýryzdy" 10 kún qatarynan toılaý ústinde. Keshe oblysymyzdyń ortalyǵy Qonaev qalasynda Naýryz meıramyn toılaý barysynda halqymyzdyń turmys-tirshiliginiń kórinisi retinde Kósh-kerýen saltanat qurdy.
Kósh 9 taqyrypty qamtyp, oǵan 3000 myńnan asa adam, 50 batyr, 51 atty ásker, 70 bıshi, jáne jalpy merekelik sharaǵa 10000 nan asa turǵyndar men qonaqtar qatysty. Erekshe aıta ketsek, osy taqyryptar saıysynda Kegen aýdany merekelik sherýde, Taı qazan kórinisiniń jáne qazaq-úı baıqaýynda úzdik İ oryndy ıelendi.
Qurmetti áleýmet! Ózderińizben birge atqarǵan ortaq isimiz óńirdiń ósip-órkendeýine baǵyttalady. Bul – sizderdiń adal eńbekterińizdiń, tynymsyz tirlikterińizdiń jemisi. Eldigimizdi nyǵaıtyp, turmysqa tyń serpin beretin baıypty bastamalarymyz ben jobalarymyz jalǵasyn tabady.
Ulystyń uly kúninde tilegen ıgi tilekterińiz qabyl bolyp, isterińiz jemisti, elimiz tynysh, Táýelsizdigimiz máńgi bolǵaı!", – dedi Marat Sultanǵazıev.
Merekelik jıynda aýdandardyń damýyna úles qosqan belsendi azamattar oblys ákiminiń Alǵys hatymen marapattalyp sóz sóıledi.
Saltanatty bólimnen soń Talǵar aýdanynda 500 bala kúı tartyp ulttyq etno birlestikterdiń merekelik kórsetilimderi tamashalandy. Sonymen qatar, qazaqtyń dástúrine saı "At qoıý", "Tusaýkeser", "Qyz uzatý" sıaqty t.b rásimderi ótkizilip, ulttyq sport túrlerinen mekemeler arasynda saıystar men merekelik konsert uıymdastyryldy.
