Almaty oblysynyń ákimi Marat Sultanǵazievtiń qatysýymen Talǵar, Eńbekshiqazaq aýdandarynyń ortalyqtarynda Ulyq meiram Áz-Naýryzdy toilaý sharalary ótti. Jiynǵa turǵyndar men, aimaqtyń ardagerleri, aýdandardyń qurmetti aqsaqaldary qatysty.
Aimaq basshysy jinalǵan aýdan men aýyl turǵyndaryn jáne barsha qaýymdy Naýryz merekesimen quttyqtady.
-Barshańyzdy yrys pen yntymaqtyń, birlik pen berekeniń, jaqsy isterdiń bastaýy - Ulystyń uly kúnimen shyn júrekten quttyqtaimyn! Biyl El prezidenttiniń tapsyrmasy baǵytynda «Naýryznamanyń» jańa tujyrymdamasy daiyndaldy.
Osy turǵyda qazaqstandyqtar elimizdiń basty merekesi "Naýryzdy" 10 kún qatarynan toilaý ústinde. Keshe oblysymyzdyń ortalyǵy Qonaev qalasynda Naýryz meiramyn toilaý barysynda halqymyzdyń turmys-tirshiliginiń kórinisi retinde Kósh-kerýen saltanat qurdy.
Qurmetti áleýmet! Ózderińizben birge atqarǵan ortaq isimiz óńirdiń ósip-órkendeýine baǵyttalady. Bul – sizderdiń adal eńbekterińizdiń, tynymsyz tirlikterińizdiń jemisi. Eldigimizdi nyǵaityp, turmysqa tyń serpin beretin baiypty bastamalarymyz ben jobalarymyz jalǵasyn tabady.
Merekelik jiynda aýdandardyń damýyna úles qosqan belsendi azamattar oblys ákiminiń Alǵys hatymen marapattalyp sóz sóiledi.
