Jańa 2024-2025 jylǵy jylytý maýsymynda Almaty oblysy boiynsha halyqqa kómir qajettiligi 714 myń tonnany qurady. Bul 10 352 vagonǵa teń keletin qatty otyn, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Búginde temir jol kóligimen óńirge 404,1 myń tonna kómir jetkizilgen. Sonymen qatar, Raiymbek aýdanyndaǵy «Oiqaraǵai» kenishinen 21,7 myń tonna kómir satyldy. Qazirgi ýaqytta temirjol tuiyqtary men qoimalarynda 47,4 myń tonna kómir jinaqtalǵan.
Áleýmettik nysandardy suiyq otynmen qamtamasyz etý qajettiligi 15 mln litrdi quraidy, búginde bul qajettilik tolyq kólemde jabylǵan.
Qazirgi tańda Zarechnyi aýylyndaǵy qazandyq pen Qonaev qalasynyń qazandyqtaryna 2 900 tonna mazýt otyny daiyndalǵan (jospar boiynsha 3 800 tonna). Sonymen qatar, oblys boiynsha barlyq qazandyqtar jóndeýden ótip, shtattyq rejimde jumys isteýde, jylý óndirýshi uiymdar táýlik boiy jumys isteitin dispetcherlik qyzmettermen qamtamasyz etilgen.
2024 jyldyń qazan-qarasha ailarynda Jambyl aýdanynyń Aqterek jáne Birlik, Talǵar aýdanynyń Qainar jáne Uiǵyr aýdanynyń Sharyn aýyldary gazǵa qosyldy. Bul shara 11 582 turǵynǵa tabiǵi gazǵa qoljetimdilik bergenin aita ketýimiz kerek.
Jospar boiynsha aǵymdaǵy jyldyń sońyna deiin Talǵar aýdanynyń Kóktal jáne Arqabai, Uiǵyr aýdanynyń Tasqarasý jáne Bahar aýyldary da gazben qamtylady. Bul jobalar 8 553 turǵyndy gazben qamtamasyz etýge múmkindik beredi.
