Almaty oblysy, Eńbekshiqazaq aýdanyna qarasty Qaraturyq aýyldyq okrýgi alma ósirý boıynsha Qazaqstanda birinshi orynda tur. Shaǵyn ǵana aýyldyń bolashaǵy zor, – dep habarlaıdy Dalanews.kz.
Aýylda alma ósirýde zamanaýı ádis-tásilder men tehnologıalardy qoldanady. Mysaly, mundaǵy sharýalar tamshylatyp sýarý júıesin alma baqtaryna keńinen qoldanylady. Jınalǵan ónim Qazaqstannyń barlyq aımaqtary men kórshi shetelderge eksporttalatynyn aıta ketýimiz kerek. Jalpy Qaraturyq aýyldyq okrýginde – 13 643 adam turady. Qylmys joq.
Okrýgte birneshe ult ókilderi men etnıkalyq toptar ómir súrip jatyr. Halyqtyń aýyzbirshiligi joǵary deńgeıde. Halyq sanynyń azdyǵyna qaramastastan bolashaǵy bar aýylardyń qatarynda.
Oǵan dálel aýylǵa 1 mlrd teńgeden astam ınvestısıa salynǵany aıqyn mysal bolady.
Qaraturyq aýyldyq okrýgine qarasty, Arna jáne Lavar aýyldarynda jol men jaryqtandyrý máselesi 100% sheshilgen. Al Qaraturyq aýylynda bul másele 68%-ǵa sheshimin tapty.
Búginde aýylda shaǵyn jáne orta kásipkerlikpen aınalysyp, memlekettiń mólsheri 2,5%-dyq 5 mln teńgelik nesıesy men qaıtymsyz grant alyp kásibin dóńgeletip otyrǵandar turǵyndardyń sany jyl ótken saıyn artyp keledi. Kásipkerler aýyl turǵyndaryn jumyspen qamtyp otyr. Nátıjesinde, jylyna tólenetin salyq kólemi artyp, 2023 jyly 48,868 mln teńge salyq tólense, 2024 jyly onyń kólemi 59,447 teńgege jetedi dep josparlanýda.
Ashysaı aýylynda «Jaıly mektep» baǵdarlamasy aıasynda 600 oryndyq mektep jáne sport kesheni salynyp jatyr. Bul úsh aýysymda oqý máselesin tolyqtaı sheshedi. Shaǵyn aýyl bolsa da, úlken saýda ortalyǵy ashylǵan. Munda kıim-keshek, ashana, dárihana, shashtaraz, dúken, avtobólshekter, santehnıkalyq zattar syndy kúndelikti turmysqa qajetti zattyń bári bar.
