الماتى وبلىسى، ەڭبەكشىقازاق اۋدانىنا قاراستى قاراتۇرىق اۋىلدىق وكرۋگى الما ءوسىرۋ بويىنشا قازاقستاندا ءبىرىنشى ورىندا تۇر. شاعىن عانا اۋىلدىڭ بولاشاعى زور، – دەپ حابارلايدى Dalanews.kz.
اۋىلدا الما وسىرۋدە زاماناۋي ادىس-تاسىلدەر مەن تەحنولوگيالاردى قولدانادى. مىسالى، مۇنداعى شارۋالار تامشىلاتىپ سۋارۋ جۇيەسىن الما باقتارىنا كەڭىنەن قولدانىلادى. جينالعان ءونىم قازاقستاننىڭ بارلىق ايماقتارى مەن كورشى شەتەلدەرگە ەكسپورتتالاتىنىن ايتا كەتۋىمىز كەرەك. جالپى قاراتۇرىق اۋىلدىق وكرۋگىندە – 13 643 ادام تۇرادى. قىلمىس جوق.
وكرۋگتە بىرنەشە ۇلت وكىلدەرى مەن ەتنيكالىق توپتار ءومىر ءسۇرىپ جاتىر. حالىقتىڭ اۋىزبىرشىلىگى جوعارى دەڭگەيدە. حالىق سانىنىڭ ازدىعىنا قاراماستاستان بولاشاعى بار اۋىلاردىڭ قاتارىندا.
وعان دالەل اۋىلعا 1 ملرد تەڭگەدەن استام ينۆەستيسيا سالىنعانى ايقىن مىسال بولادى.
قاراتۇرىق اۋىلدىق وكرۋگىنە قاراستى، ارنا جانە لاۆار اۋىلدارىندا جول مەن جارىقتاندىرۋ ماسەلەسى 100% شەشىلگەن. ال قاراتۇرىق اۋىلىندا بۇل ماسەلە 68%-عا شەشىمىن تاپتى.
بۇگىندە اۋىلدا شاعىن جانە ورتا كاسىپكەرلىكپەن اينالىسىپ، مەملەكەتتىڭ مولشەرى 2،5%-دىق 5 ملن تەڭگەلىك نەسيەسى مەن قايتىمسىز گرانت الىپ كاسىبىن دوڭگەلەتىپ وتىرعاندار تۇرعىنداردىڭ سانى جىل وتكەن سايىن ارتىپ كەلەدى. كاسىپكەرلەر اۋىل تۇرعىندارىن جۇمىسپەن قامتىپ وتىر. ناتيجەسىندە، جىلىنا تولەنەتىن سالىق كولەمى ارتىپ، 2023 جىلى 48،868 ملن تەڭگە سالىق تولەنسە، 2024 جىلى ونىڭ كولەمى 59،447 تەڭگەگە جەتەدى دەپ جوسپارلانۋدا.
اششىساي اۋىلىندا «جايلى مەكتەپ» باعدارلاماسى اياسىندا 600 ورىندىق مەكتەپ جانە سپورت كەشەنى سالىنىپ جاتىر. بۇل ءۇش اۋىسىمدا وقۋ ماسەلەسىن تولىقتاي شەشەدى. شاعىن اۋىل بولسا دا، ۇلكەن ساۋدا ورتالىعى اشىلعان. مۇندا كيىم-كەشەك، اسحانا، ءدارىحانا، شاشتاراز، دۇكەن، اۆتوبولشەكتەر، سانتەحنيكالىق زاتتار سىندى كۇندەلىكتى تۇرمىسقا قاجەتتى زاتتىڭ ءبارى بار.
