Almaty qalasy men BQO-da jalǵan aqsha satyp júrgender áshkere boldy, - dep habarlaidy Dalanews.kz.
Almaty qalasynda jalǵan 100 dollarlyq kýpiýralardy satýmen ainalysqan tulǵalar toby anyqtaldy. Qylmysqa qatysýshylardyń biriniń turǵylyqty jerin tintý barysynda 149 dana (14 900 AQSh dollary) jalǵan dollar tabyldy.
Quqyq buzýshylar ustalyp, sot olarǵa qamaýda ustaý túrindegi bultartpaý sharasyn sanktsiialady.
Sonymen qatar, Batys Qazaqstan oblysynda QMA politsiiamen birlesip jalǵan valiýtany ótkizý faktisi anyqtady.
Bir top adam Oral qalasyndaǵy lotereia klýbtarynyń birinde jalǵan 25 000 AQSh dollary men 10 000 evro ótkizgen dep kúdiktelýde.
Kúdiktiler bás tigý maqsatynda bul qarajatpen shottaryn tolyqtyrǵan.
Jalǵan aqshany satýshyǵa qatysty sottyń sanktsiiasymen «qamaýda ustaý» túrindegi bultartpaý sharasy tańdaldy.
QPK-niń 201-baby tártibindegi ózge de aqparat jariia etilýge jatpaidy.
Jyl basynan beri Qazaqstan aýmaǵynda ainalymnan 1 060 jalǵan banknot tárkilendi, onyń ishinde ulttyq valiýtada 647 000 teńge somasyna 141 dana, 90 400 AQSh dollaryna 905 kýpiýra, 2 000 eýroǵa 4 kýpiýra, 1 000 iýan somasyna 10 kýpiýra.
Alynǵan jalǵan banknottardyń jalpy somasy 43 mln teńgeden asady.
Jalpy, aǵymdaǵy jyly jalǵan kýpiýralardy jasap, ótkizgeni úshin 8 adam 5 jyldan 6 jylǵa deiingi merzimge bas bostandyǵynan aiyryldy.
Jalǵan aqsha jasaýshylardyń qurbany bolmas úshin jaqsy baǵam boiynsha aiyrbastaýdy usynsa da, beitanys adamdarǵa aqsha aiyrbastamańyz jáne valiýtany «deldaldardan» satyp almańyz.
Eger siz jalǵan kýpiýrany tapsańyz, ony satýǵa tyryspańyz. Jalǵan banknottar tabylǵan jaǵdaida dereý QMA-nyń aýmaqtyq departamentterine júginý qajet.
