الماتى قالاسى مەن بقو-دا جالعان اقشا ساتىپ جۇرگەندەر اشكەرە بولدى، - دەپ حابارلايدى Dalanews.kz. 

الماتى قالاسىندا جالعان 100 دوللارلىق كۋپيۋرالاردى ساتۋمەن اينالىسقان تۇلعالار توبى انىقتالدى. قىلمىسقا قاتىسۋشىلاردىڭ ءبىرىنىڭ تۇرعىلىقتى جەرىن ءتىنتۋ بارىسىندا 149 دانا (14 900 اقش دوللارى) جالعان دوللار تابىلدى.

قۇقىق بۇزۋشىلار ۇستالىپ، سوت ولارعا قاماۋدا ۇستاۋ تۇرىندەگى بۇلتارتپاۋ شاراسىن سانكسيالادى.

سونىمەن قاتار، باتىس قازاقستان وبلىسىندا قما پوليسيامەن بىرلەسىپ جالعان ۆاليۋتانى وتكىزۋ فاكتىسى انىقتادى.

ءبىر توپ ادام ورال قالاسىنداعى لوتەرەيا كلۋبتارىنىڭ بىرىندە جالعان 25 000 اقش دوللارى مەن 10 000 ەۆرو وتكىزگەن دەپ كۇدىكتەلۋدە.

كۇدىكتىلەر ءباس تىگۋ ماقساتىندا بۇل قاراجاتپەن شوتتارىن تولىقتىرعان.

جالعان اقشانى ساتۋشىعا قاتىستى سوتتىڭ سانكسياسىمەن «قاماۋدا ۇستاۋ» تۇرىندەگى بۇلتارتپاۋ شاراسى تاڭدالدى.

قپك-نىڭ 201-بابى تارتىبىندەگى وزگە دە اقپارات جاريا ەتىلۋگە جاتپايدى.

جىل باسىنان بەرى قازاقستان اۋماعىندا اينالىمنان 1 060 جالعان بانكنوت تاركىلەندى، ونىڭ ىشىندە ۇلتتىق ۆاليۋتادا 647 000 تەڭگە سوماسىنا 141 دانا، 90 400 اقش دوللارىنا 905 كۋپيۋرا، 2 000 ەۋروعا 4 كۋپيۋرا، 1 000 يۋان سوماسىنا 10 كۋپيۋرا.

الىنعان جالعان بانكنوتتاردىڭ جالپى سوماسى 43 ملن تەڭگەدەن اسادى. 

جالپى، اعىمداعى جىلى جالعان كۋپيۋرالاردى جاساپ، وتكىزگەنى ءۇشىن 8 ادام 5 جىلدان 6 جىلعا دەيىنگى مەرزىمگە باس بوستاندىعىنان ايىرىلدى.

جالعان اقشا جاساۋشىلاردىڭ قۇربانى بولماس ءۇشىن جاقسى باعام بويىنشا ايىرباستاۋدى ۇسىنسا دا، بەيتانىس ادامدارعا اقشا ايىرباستاماڭىز جانە ۆاليۋتانى «دەلدالداردان» ساتىپ الماڭىز.
 
ەگەر ءسىز جالعان كۋپيۋرانى تاپساڭىز، ونى ساتۋعا تىرىسپاڭىز. جالعان بانكنوتتار تابىلعان جاعدايدا دەرەۋ قما-نىڭ اۋماقتىق دەپارتامەنتتەرىنە جۇگىنۋ قاجەت.