Almaty mektepterinde terakt daiyndalyp jatqany týraly habar tarady, dep habarlaidy Dalanews.kz.
Bul týraly aqparat WhatsApp-toptarda tarady.
Alaida Almaty politsiiasy mektepterde terakt bolady degen qaýesetti joqqa shyǵardy.
Áleýmettik jeliler men messendjerlerde Almatydaǵy birqatar mektepterde terakt jasalýy múmkin degen aqparat tarady. Politsiia departamenti bul habarlamalardyń shyndyqqa janaspaitynyn jáne jalǵan aqparat ekenin resmi túrde málimdedi.
Politsiianyń dereginshe, qaladaǵy bilim berý mekemelerindegi jaǵdai turaqty ári tolyq baqylaýda. Oqýshylar men pedagogterdiń qaýipsizdigin qamtamasyz etý úshin quqyq qorǵaý organdary men tótenshe qyzmetter kúsheitilgen rejimde jumys istep jatyr.
Jalǵan aqparat taratý deregi boiynsha jedel-izdestirý sharalary bastaldy. Qazirgi ýaqytta feik habarlamanyń avtory men bastapqy kózi anyqtalýda. Qatysy bar tulǵalar zań aiasynda jaýapkershilikke tartylady.
Politsiia azamattardy sabyr saqtaýǵa, tek resmi aqparat kózderine senýge jáne tekserilmegen málimetterdi taratpaýǵa shaqyrdy.
