Almaty kópsalaly klinikalyq aýrýhanasyna jambas aimaǵynda aiaqtyń isinýi, qońyr daqtardyń paida bolýy jáne dene temperatýrasynyń jalpy joǵarylaýy týraly shaǵymdary bar 48 jastaǵy áiel tústi. Dárigerler tekserý júrgizip, ileofemoraldy venozdyq trombozdy anyqtady. Sonymen qatar, júrgizilgen zertteý búkil ish qýysyn alyp, ishki múshelerdi qysyp turǵan jatyr miomasyn kórsetti.
Naýqas birneshe jyldar boiy ginekolog dárigerge qaralmaǵan jáne ishtiń kóleminiń ulǵaiýyna nazar aýdarmaǵan. Meditsinalyq kómekke densaýlyǵymnyń aitarlyqtai nasharlaýynan keiin ǵana júgingen. Otany tájiribeli ginekolog dárigerler Riza Keremqulova, Ajar Amangeldi jáne Darhan Moldabek mindetti áleýmettik meditsinalyq saqtandyrý (MÁMS) sheńberinde júrgizdi.
"Operatsiia barysynda biz salmaǵy 6 kg bolatyn jatyr miomasyn alyp tastadyq. Qysylyp qalǵan ishki aǵzalardy bosattyq, ilespe jabysqaq túzilimderdi alyp tastadyq", - dedi ginekologiia bólimshesiniń meńgerýshisi Riza Keremqulova. Qazirgi ýaqytta áiel aýrýhanadan shyǵaryldy, ózin jaqsy sezinedi jáne qalypty ómirge oraldy.
Almaty kópsalaly klinikalyq aýrýhanasynyń dárigerleri shaǵymdar bolmaǵan jaǵdaida da áielderdiń jylyna 1-2 ret ginekologqa barýynyń mańyzdylyǵyn eske salady. Dárigerdiń ýaqtyly tekserýi aýrýlardy ýaqytynda anyqtaýǵa jáne olardyń asqynýyn boldyrmaýǵa múmkindik beredi.
