الماتى كوپسالالى كلينيكالىق اۋرۋحاناسىنا جامباس ايماعىندا اياقتىڭ ءىسىنۋى، قوڭىر داقتاردىڭ پايدا بولۋى جانە دەنە تەمپەراتۋراسىنىڭ جالپى جوعارىلاۋى تۋرالى شاعىمدارى بار 48 جاستاعى ايەل ءتۇستى. دارىگەرلەر تەكسەرۋ جۇرگىزىپ، يلەوفەمورالدى ۆەنوزدىق ترومبوزدى انىقتادى. سونىمەن قاتار، جۇرگىزىلگەن زەرتتەۋ بۇكىل ءىش قۋىسىن الىپ، ىشكى مۇشەلەردى قىسىپ تۇرعان جاتىر ميوماسىن كورسەتتى.

ناۋقاس بىرنەشە جىلدار بويى گينەكولوگ دارىگەرگە قارالماعان جانە ءىشتىڭ كولەمىنىڭ ۇلعايۋىنا نازار اۋدارماعان. مەديسينالىق كومەككە دەنساۋلىعىمنىڭ ايتارلىقتاي ناشارلاۋىنان كەيىن عانا جۇگىنگەن. 

وتانى تاجىريبەلى گينەكولوگ دارىگەرلەر ريزا كەرەمقۇلوۆا، اجار امانگەلدى جانە دارحان مولدابەك مىندەتتى الەۋمەتتىك مەديسينالىق ساقتاندىرۋ (ءمامس) شەڭبەرىندە جۇرگىزدى.

"وپەراسيا بارىسىندا ءبىز سالماعى 6 كگ بولاتىن جاتىر ميوماسىن الىپ تاستادىق. قىسىلىپ قالعان ىشكى اعزالاردى بوساتتىق، ىلەسپە جابىسقاق تۇزىلىمدەردى الىپ تاستادىق"، - دەدى گينەكولوگيا بولىمشەسىنىڭ مەڭگەرۋشىسى ريزا كەرەمقۇلوۆا.

قازىرگى ۋاقىتتا ايەل اۋرۋحانادان شىعارىلدى، ءوزىن جاقسى سەزىنەدى جانە قالىپتى ومىرگە ورالدى.



الماتى كوپسالالى كلينيكالىق اۋرۋحاناسىنىڭ دارىگەرلەرى شاعىمدار بولماعان جاعدايدا دا ايەلدەردىڭ جىلىنا 1-2 رەت گينەكولوگقا بارۋىنىڭ ماڭىزدىلىعىن ەسكە سالادى. دارىگەردىڭ ۋاقتىلى تەكسەرۋى اۋرۋلاردى ۋاقىتىندا انىقتاۋعا جانە ولاردىڭ اسقىنۋىن بولدىرماۋعا مۇمكىندىك بەرەدى.