Qazaqstandyq dárigerler Aýǵanstandaǵy gýmanitarlyq meditsinalyq missiia sheńberinde jumystaryn jalǵastyrýda, dep habarlaidy dalanews.kz.
Qazaqstandyq dárigerler toby Aýǵanstanda jumysyn jalǵastyryp, halyqqa praktikalyq meditsinalyq kómek kórsetýde jáne jergilikti mamandarmen óz tájiribesin bólisýde. Kópbeiindi meditsinalyq missiianyń quramyna elimizdiń travmatologiia, ortopediia, kardiologiia, pediatriia, hirýrgiia, ýrologiia, pýlmonologiia jáne epidemiologiia salalaryndaǵy jetekshi mamandary kirdi.
Meditsinalyq toptyń jetekshisi bolyp akademik N.J. Batpenov atyndaǵy Ulttyq ǵylymi travmatologiia jáne ortopediia ortalyǵy direktorynyń orynbasary Serik Balǵazarov taǵaiyndaldy. Sonymen qatar missiianyń quramynda travmatolog-ortoped dárigerler Rýslan Ábilov, Aleksei Dolgov jáne Nurlan Avǵanov, gigienist-epidemiolog dáriger Ǵaziz Nadýev, kardiolog Erik Otarbaev, pediatr-pýlmonolog Abylai Arystanáliev, balalar hirýrgi-endoskopist Nyshanbek Shilanbaev, ýrolog Rýstam Sálimov jáne hirýrg Serik Nurtazin qyzmet atqarýda.
Qazaqstandyq mamandardyń jumysy Aýǵanstandaǵy meditsinalyq mekemelerdiń biriniń bazasynda uiymdastyrylǵan. Halyqqa konsýltatsiialyq kómek kórsetýmen qatar dárigerler aýǵan áriptesterimen birlesken tekserýler júrgizip, konsiliýmdarǵa qatysady, kúrdeli klinikalyq jaǵdailardy talqylap, patsientterdi odan ári emdeý taktikasyn aiqyndaidy.
Tirek-qimyl apparatynyń aýyr jaraqat saldarlary men týa bitken deformatsiialary bar patsientterge erekshe nazar aýdarylýda. Travmatolog-ortoped dárigerler kún saiyn 40-qa deiin patsientke konsýltatsiia ótkizip, olardyń arasynan hirýrgiialyq emdeýdi qajet etetin eń kúrdeli jaǵdailardy irikteidi. Qazaqstandyq mamandar kún saiyn úsh-tórt rekonstrýktivtik-qalpyna keltirý operatsiiasyn jasap, patsientterdiń joǵaltqan fýnktsiialaryn qalpyna keltirýge jáne ómir sapasyn edáýir jaqsartýǵa múmkindik berýde.
Aýǵanstandaǵy Qazaqstan meditsinasy kúnderi sheńberinde otandyq travmatolog-ortopedter aýǵan tarabyna Ilizarov apparatynyń jiyntyqtaryn tabystady. Bul – kúrdeli synyqtardy emdeýde, aiaq-qol deformatsiialaryn túzetýde jáne súiek kemistikterin almastyrýda keńinen qoldanylatyn biregei júie. Atalǵan jabdyqty berý jergilikti mamandardyń joǵary tehnologiialyq meditsinalyq kómek kórsetý múmkindikterin keńeitip, densaýlyq saqtaý salasyndaǵy halyqaralyq gýmanitarlyq yntymaqtastyqty damytýǵa Qazaqstannyń qosymsha úlesi bolmaq.
Qazaqstandyq dárigerler Aýǵanstan halqyna alǵash ret kómek kórsetip otyrmaǵanvn aita ketý kerek. Ótken jyldyń qarasha aiynda bolǵan joiqyn jer silkinisinen keiin Qazaqstannan meditsinalyq top jiberilgen bolatyn. Sol kezde otandyq mamandar on kúnniń ishinde 44 operatsiia jasap, 100-den astam patsientke meditsinalyq kómek kórsetti.
Anyqtama: meditsinalyq missiia Qazaqstan Respýblikasynyń gýmanitarlyq bastamasy sheńberinde júzege asyrylýda. Qazaqstan delegatsiiasynyń quramymen birge Aýǵanstanǵa jalpy kólemi 318,8 tonna gýmanitarlyq kómek jetkizildi.
