Búginde Almatyda KVI boiynsha epidemiologiialyq ahýaldyń turaqtanýy jalǵasýda. Jyl basynan beri KVI-diń 162 172 oqiǵasy tirkeldi, sońǵy aptada – 1 073, al ótken táýlikte – 119 jaǵdai.
Epidemiologiialyq protsestiń qarqyny jóninde el boiynsha epidemiologiialyq ahýaldy baǵalaý matritsasynda 13 qarashada qala aǵymdaǵy jyldyń 24 qazanynan bastap «sary» aimaqtan «jasylǵa» ótti. Bul qalyptasqan ujymdyq immýnitettiń 56,2%-ynyń (vaktsinalanǵandardyń 48%-y + jyl basynan beri aýyryp saýyqqandardyń 8,2%-y), sondai-aq shekteý sharalary men karantindik erejelerdi saqtaýdyń arqasynda múmkin boldy.
KVI boiynsha epidemiologiialyq ahýaldy turaqtandyrý úshin «sary» aimaqtaǵy talaptardy saqtaýdy «jasylǵa» kóshkennen keiin keminde 7 kún boiy jalǵastyrý qajet. Obektiler men qoǵamdyq oryndardaǵy «sary» aimaqtyń talaptary 21 qarashaǵa deiin saqtalady.
Osyǵan orai Almaty ákimi Baqytjan Saǵyntaev qala turǵyndaryn COVID-19 qaýipti ekenin umytpaýǵa shaqyrdy. Eýropa elderinde, sondai-aq Reseide derttiń jańa órshýi baiqalady. Eger almatylyqtar sanitarlyq-epidemiologiialyq qaýipsizdik sharalaryn saqtamasa jáne vaktsinalanýdy jalǵastyrmasa, onda KVI dertiniń jańa tolqynynyń qaitalaný qaýpi saqtalady.
Búginde infektsiialyq statsionarlarda 664 adam, onyń ishinde 16 bala bar. Patsientterdiń jalpy sanynyń 27-siniń jaǵdaiy óte aýyr, 307-si aýyr, 330-y ortasha aýyr jaǵdaida. 1 227 patsient úide AMSK-tiń mobildi brigadalarynyń jáne Telemeditsina ortalyǵynyń baqylaýynda.
17 qarashada KVI-ge qarsy vaktsinany 1 013 983 adam aldy. Pfizer Comirnaty vaktsinasymen 12 qarashadan bastap 3 240 adam ekpe aldy, onyń ishinde 914 bala emizetin jáne 334 júkti, sondai-aq 18 jasqa deiingi 1 992 bala.
