بۇگىندە الماتىدا كۆي بويىنشا ەپيدەميولوگيالىق احۋالدىڭ تۇراقتانۋى جالعاسۋدا. جىل باسىنان بەرى كۆي-دىڭ 162 172 وقيعاسى تىركەلدى، سوڭعى اپتادا – 1 073، ال وتكەن تاۋلىكتە – 119 جاعداي.
ەپيدەميولوگيالىق پروسەستىڭ قارقىنى جونىندە ەل بويىنشا ەپيدەميولوگيالىق احۋالدى باعالاۋ ماتريساسىندا 13 قاراشادا قالا اعىمداعى جىلدىڭ 24 قازانىنان باستاپ «سارى» ايماقتان «جاسىلعا» ءوتتى. بۇل قالىپتاسقان ۇجىمدىق يممۋنيتەتتىڭ 56،2%-ىنىڭ (ۆاكسينالانعانداردىڭ 48%-ى + جىل باسىنان بەرى اۋىرىپ ساۋىققانداردىڭ 8،2%-ى)، سونداي-اق شەكتەۋ شارالارى مەن كارانتيندىك ەرەجەلەردى ساقتاۋدىڭ ارقاسىندا مۇمكىن بولدى.
كۆي بويىنشا ەپيدەميولوگيالىق احۋالدى تۇراقتاندىرۋ ءۇشىن «سارى» ايماقتاعى تالاپتاردى ساقتاۋدى «جاسىلعا» كوشكەننەن كەيىن كەمىندە 7 كۇن بويى جالعاستىرۋ قاجەت. وبەكتىلەر مەن قوعامدىق ورىندارداعى «سارى» ايماقتىڭ تالاپتارى 21 قاراشاعا دەيىن ساقتالادى.
وسىعان وراي الماتى اكىمى باقىتجان ساعىنتايەۆ قالا تۇرعىندارىن COVID-19 ءقاۋىپتى ەكەنىن ۇمىتپاۋعا شاقىردى. ەۋروپا ەلدەرىندە، سونداي-اق رەسەيدە دەرتتىڭ جاڭا ءورشۋى بايقالادى. ەگەر الماتىلىقتار سانيتارلىق-ەپيدەميولوگيالىق قاۋىپسىزدىك شارالارىن ساقتاماسا جانە ۆاكسينالانۋدى جالعاستىرماسا، وندا كۆي دەرتىنىڭ جاڭا تولقىنىنىڭ قايتالانۋ ءقاۋپى ساقتالادى.
بۇگىندە ينفەكسيالىق ستاسيونارلاردا 664 ادام، ونىڭ ىشىندە 16 بالا بار. پاسيەنتتەردىڭ جالپى سانىنىڭ 27ء-سىنىڭ جاعدايى وتە اۋىر، 307ء-سى اۋىر، 330-ى ورتاشا اۋىر جاعدايدا. 1 227 پاسيەنت ۇيدە امسك-تىڭ ءموبيلدى بريگادالارىنىڭ جانە تەلەمەديسينا ورتالىعىنىڭ باقىلاۋىندا.
17 قاراشادا كۆي-گە قارسى ۆاكسينانى 1 013 983 ادام الدى. Pfizer Comirnaty ۆاكسيناسىمەن 12 قاراشادان باستاپ 3 240 ادام ەكپە الدى، ونىڭ ىشىندە 914 بالا ەمىزەتىن جانە 334 جۇكتى، سونداي-اق 18 جاسقا دەيىنگى 1 992 بالا.
