Almaty. «Eńbek» baǵdarlamasy boiynsha 13 myń adam jumyspen qamtyldy
Daniiar Álkebaiulynyń aitýynsha, halyqtyń osal toptaryn qorǵaý memlekettiń áleýmettik saiasatynyń negizgi fýnktsiialarynyń biri. Sondyqtan qalada «Eńbek» memlekettik baǵdarlamasy aiasynda jańa jumys oryndary qurylýda.
– Biyl «Eńbek» baǵdarlamasy aiasynda 13 myńǵa jýyq adamdy jumyspen qamtý sharalary josparlanýda. Onyń ishinde 800 adamdy jastar praktikasyna, 960 adamdy áleýmettik jumys oryndaryna, 6 myń adamdy qoǵamdyq jumystarǵa jiberemiz, sondai-aq myńǵa jýyq adamǵa grant berý qarastyrylǵan, suranysqa ie mamandyqtarǵa qysqa merzimdi oqytýǵa taǵy myń adamdy jiberemiz jáne 115 almatylyqqa shaǵyn nesie beremiz ári basqa da kóptegen qoldaý sharalaryn usynamyz, – dedi D. Álkebaiuly.
Bul rette usynylatyn mamandyqtar aýqymy keń, JOO, kolledjder, kásiptik litsei túlekteri de, zeinetkerlik jasqa deiingi azamattar da, bilimi joq adamdar ózderine unaityn turaqty jumys taba alady.
Daniiar Álkebaiulynyń aitýynsha, júzdegen qala turǵyndary kún saiyn olarǵa júginedi.
Jyl basynan beri jumyspen qamtý ortalyǵyna 25 myń adam ótinish bergen. Jumyspen qamtý sharalary boiynsha 17,3 myń qala turǵyny qamtyldy. Onyń ishinde turaqty jumys oryndaryna – 7,7 myń adam jumysqa turdy, ýaqytsha jumys oryndaryna – 8,3 myń adam jiberildi.
Almaty qalasy Áleýmettik ál-aýqat basqarmasy basshysynyń orynbasary Daniiar Álkebaiuly qoldaý sharalary týraly aitty.Biznes-ideialardy iske asyrý maqsatynda 2021 jyly árqaisysy 200 AEK-ke deiingi mólsherde 1 myń grant berý josparlanǵan. Búginde bolashaq kásipkerlerge 495 grant berildi.
– Basty mindet – jumyssyzdyqqa jol bermeý, sondyqtan biz qala turǵyndaryn jańa suranysqa ie mamandyqtarǵa oqytamyz. Búginde 600 almatylyq bilim alýda, taǵy da myń jumyssyzdardy kýrstarǵa jiberý josparlandy, – dedi spiker.
Sondai-aq 2021 jylǵy noý-haý «birinshi jumys orny» jobasy boldy. Ol jastardy jumysqa ornalastyrýǵa ári tiisti eńbek tásilderin úiretýge jáne birinshi jumys ornynda beiimdelýge baǵyttalǵan. Búginde osy joba aiasynda 24 adam jumys isteidi.
D. Álkebaiuly «Biznestiń jol kartasy», «Nurly jer», indýstriialyq-innovatsiialyq damý, agroónerkásiptik keshen, bilim men ǵylymdy damytý, óńirlerdi damytý, týristik sala, «Eńbek» jáne basqa da baǵdarlamalar aiasynda Almatyda 15,6 myń jumys orny qurylǵanyn aitty.
