Svetlana Sultanǵazıeva atap ótkendeı, COVID-19 vaksınalarynyń jańa shtammdarǵa qarsy qorǵanys áseri tómendeýi múmkin, sondyqtan revaksınalaný usynylady.
– Revaksınalaný prosedýrasynan alǵashqy vaksınalanýdan keıin 6 nemese 9 aıdan keıin ótý kerek, bul koronavırýstyń jańa nusqalarynan durys qorǵaný úshin qajet, – dedi dáriger.
Spıker Almatyda bar Vero Cell, V Spýtnıgi jáne QazVac vaksınalarynyń barlyǵy «Delta» nusqasyna qarsy jaqsy qorǵanys jáne profılaktıkalyq qasıetterge ıe ekenin atap ótti.
Almaty qalasy Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova revaksınalaý buryn egilgenderdiń qaıta egilýi ekenine nazar aýdardy.
– Mundaı vaksınalaný aldyńǵy ekpeden soń nemese adam aýyrǵannan keıin paıda bolǵan aǵzanyń ımýndyq reaksıasyn qoldaýǵa jáne kúsheıtýge múmkindik beredi. Revaksınalaný kezindeujymdyq ımýnıtet derbes qalyptaspaıdy. Aýrýdyń tómendeýi úshin vaksınalaný jáne revaksınalanýdan soń 75-80% aralyǵynda ujymdyq ımýnıtet qajet, – dedi Ásel Qalyqova.
Epıdemıolog qazirgi ahýaldyń turaqtanýyna jáne derttiń ósý qarqynynyń tómendeýine qaramastan, ınfeksıanyń taralýyn azaıtý týraly áli erte ekenin atap ótti.
– Revaksınalanýdy uzarǵan saıyn, derttiń órshý soǵurlym joǵary bolady. Eger biz ekpe alyp, sodan soń revaksınalansaq, onda ınfeksıany jeńýge bolady, – dep qorytyndylady sózin Ásel Kalykova.
Eske salaq, qazir Almatyda tumaýǵa qarsy ekpe salý júrgizilýde, dárigerler ımýnıteti tómen turǵyndarǵa, 60 jastan asqan adamdarǵa, medısına qyzmetkerleri men jabyq mekeme qyzmetkerlerine ekpe jasaýdy usynady.
