سۆەتلانا سۇلتانعازييەۆا اتاپ وتكەندەي، COVID-19 ۆاكسينالارىنىڭ جاڭا شتاممدارعا قارسى قورعانىس اسەرى تومەندەۋى مۇمكىن، سوندىقتان ريەۆاكسينالانۋ ۇسىنىلادى.
– ريەۆاكسينالانۋ پروسەدۋراسىنان العاشقى ۆاكسينالانۋدان كەيىن 6 نەمەسە 9 ايدان كەيىن ءوتۋ كەرەك، بۇل كوروناۆيرۋستىڭ جاڭا نۇسقالارىنان دۇرىس قورعانۋ ءۇشىن قاجەت، – دەدى دارىگەر.
سپيكەر الماتىدا بار Vero Cell، V سپۋتنيگى جانە QazVac ۆاكسينالارىنىڭ بارلىعى «دەلتا» نۇسقاسىنا قارسى جاقسى قورعانىس جانە پروفيلاكتيكالىق قاسيەتتەرگە يە ەكەنىن اتاپ ءوتتى.
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا ريەۆاكسينالاۋ بۇرىن ەگىلگەندەردىڭ قايتا ەگىلۋى ەكەنىنە نازار اۋداردى.
– مۇنداي ۆاكسينالانۋ الدىڭعى ەكپەدەن سوڭ نەمەسە ادام اۋىرعاننان كەيىن پايدا بولعان اعزانىڭ يممۋندىق رەاكسياسىن قولداۋعا جانە كۇشەيتۋگە مۇمكىندىك بەرەدى. ريەۆاكسينالانۋ كەزىندەۇجىمدىق يممۋنيتەت دەربەس قالىپتاسپايدى. اۋرۋدىڭ تومەندەۋى ءۇشىن ۆاكسينالانۋ جانە ريەۆاكسينالانۋدان سوڭ 75-80% ارالىعىندا ۇجىمدىق يممۋنيتەت قاجەت، – دەدى اسەل قالىقوۆا.
ەپيدەميولوگ قازىرگى احۋالدىڭ تۇراقتانۋىنا جانە دەرتتىڭ ءوسۋ قارقىنىنىڭ تومەندەۋىنە قاراماستان، ينفەكسيانىڭ تارالۋىن ازايتۋ تۋرالى ءالى ەرتە ەكەنىن اتاپ ءوتتى.
– ريەۆاكسينالانۋدى ۇزارعان سايىن، دەرتتىڭ ءورشۋ سوعۇرلىم جوعارى بولادى. ەگەر ءبىز ەكپە الىپ، سودان سوڭ ريەۆاكسينالانساق، وندا ينفەكسيانى جەڭۋگە بولادى، – دەپ قورىتىندىلادى ءسوزىن اسەل كالىكوۆا.
ەسكە سالاق، ءقازىر الماتىدا تۇماۋعا قارسى ەكپە سالۋ جۇرگىزىلۋدە، دارىگەرلەر يممۋنيتەتى تومەن تۇرعىندارعا، 60 جاستان اسقان ادامدارعا، مەديسينا قىزمەتكەرلەرى مەن جابىق مەكەمە قىزمەتكەرلەرىنە ەكپە جاساۋدى ۇسىنادى.
