1 naýryz ben 1 sáýir aralyǵynda Almatyda «Taza Qazaqstan» baǵdarlamasy aiasynda «Almaty – bizdiń ortaq úiimiz» aýqymdy naýqany ótedi,- dep habarlaidy Dalanews.kz
Naýqan maqsattarynyń biri-ekologiialyq mádenietti arttyrý jáne qala turǵyndary arasynda qorshaǵan ortaǵa uqypty qaraýdy qalyptastyrý.
Naýqan tórt taqyryptyq apta boiynsha ótedi, olar:
- «Taza kósheler» (1-9 naýryz) – aialdamalardy, jol belgilerin tazartý,qoqys jáshikterin ornatý, magistraldardy abattandyrý;
- «Taza saiabaqtar, skverler men taýlar» (10-16 naýryz) – tabiǵi aimaqtardaǵy senbilikter jáne qoqys jinaý jumystary;
- «Taza aýlalar» (17-23 naýryz) – aýla aýmaqtaryn, balalar jáne sport alańdaryn, abattandyrý elementterin jinaý jáne syrlaý, kógaldandyrý, «Úzdik aýla/aýla sypyrýshy/aýla janyndaǵy baý-baqsha konkýrstary;
- «Bizdiń qala – bizdiń maqtanyshymyz» (24 naýryz–1 sáýir) eskertkishterdi abattandyrý jáne aǵashtardy jappai otyrǵyzý.
«Ótken jyly bastalǵan ekologiialyq bastamalardy jalǵastyra otyryp, biz birge qalamyzdy taza ári jaily etýge tyrysamyz. 2024 jyly Almatyda abattandyrýdyń jańa erejeleri bekitildi, onyń aiasynda 6 myńnan astam kásipkerlik obektileri úshin abattandyrý pasporttarynyń júiesi engizildi. Búgingi tańda 4918 pasport resimdeldi, bul josparlanǵannyń 82%-yn quraidy. Pasporttaý qasbetterdi, trotýarlardy, jasyl aimaqtardy jáne basqa da obektilerdi qosa alǵanda, irgeles aýmaqtar úshin jaýapkershilikti bekitýge múmkindik beredi», – dedi Almaty ákiminiń orynbasary Beibit Shahanov.
Naýqan aiasynda 600-den astam zańsyz statsionarlyq emes saýda nysandaryn (SESN) bólshekteý, 1 sáýirge deiin vandalǵa qarsy 12 myń ýrna ornatý, 4020-dan astam aýlany abattandyrý, 445 saiabaq pen gúlzardy, ózender men kólderdiń jaǵalaýlaryn tazalaý, sondai-aq 5 myń aǵash pen buta otyrǵyzý josparlanǵan.
«Qurmetti turǵyndar! «Almaty-bizdiń ortaq úiimiz», al árbir úi taza ári jaily bolý kerek. Sizderdiń árqaisylaryńyzdy qoqystardy tazalaýǵa, tabiǵatty qorǵaýǵa jáne tazalyqty saqtaýǵa shaqyramyn. Bizdiń naýqanǵa qosylyńyz! Bizdiń qala barlyǵyna úlgi bolsyn! Almatyǵa degen qamqorlyǵyńyz ben súiispenshiligińiz úshin rahmet!», – Almaty ákiminiń orynbasary Álisher Ábdiqadyrov osylaisha almatylyqtardy qalany tazartýǵa belsendi túrde qatysýǵa shaqyrdy.
