Qarjy ministrligi Almaty áýejaiynda 6,8 mlrd teńge somasyna dividend zańsyz tólengenin anyqtady, dep habarlaidy Dalanews.kz.
Ishki memlekettik aýdit komiteti profilaktikalyq baqylaý barysynda Almaty halyqaralyq áýejaiynyń qyzmetinen kemshilikterdi anyqtaǵan.
Tekseris barysynda aktsioner emes zańdy tulǵaǵa 6,8 mlrd teńge somasyna dividend zańsyz tólengeni áshkerelengen.
"Bul strategiialyq nysannyń aktivteri men damý múmkindikterin tómendetip, onyń qarjylyq turaqtylyǵyna áser etti. Tekseris nátijeleri boiynsha tiisti qarajat áýejaidyń shotyna tolyǵymen qaitaryldy. Bul aqsha áýejaidy damytyp, jolaýshylarǵa qyzmet kórsetý sapasy men basqa da servisterdi jaqsartýǵa baǵyttalady", - dep jazylǵan habarlamada.
