قارجى مينيسترلىگى الماتى اۋەجايىندا 6،8 ملرد تەڭگە سوماسىنا ديۆيدەند زاڭسىز تولەنگەنىن انىقتادى، دەپ حابارلايدى Dalanews.kz.
ىشكى مەملەكەتتىك اۋديت كوميتەتى پروفيلاكتيكالىق باقىلاۋ بارىسىندا الماتى حالىقارالىق اۋەجايىنىڭ قىزمەتىنەن كەمشىلىكتەردى انىقتاعان.
تەكسەرىس بارىسىندا اكسيونەر ەمەس زاڭدى تۇلعاعا 6،8 ملرد تەڭگە سوماسىنا ديۆيدەند زاڭسىز تولەنگەنى اشكەرەلەنگەن.
"بۇل ستراتەگيالىق نىساننىڭ اكتيۆتەرى مەن دامۋ مۇمكىندىكتەرىن تومەندەتىپ، ونىڭ قارجىلىق تۇراقتىلىعىنا اسەر ەتتى. تەكسەرىس ناتيجەلەرى بويىنشا ءتيىستى قاراجات اۋەجايدىڭ شوتىنا تولىعىمەن قايتارىلدى. بۇل اقشا اۋەجايدى دامىتىپ، جولاۋشىلارعا قىزمەت كورسەتۋ ساپاسى مەن باسقا دا سەرۆيستەردى جاقسارتۋعا باعىتتالادى"، - دەپ جازىلعان حابارلامادا.
