Almaty ákimi Darhan Satybaldy merdiger uiymdardyń quryltaishylarymen ótken keńeste qalanyń jobalarǵa nemquraily qaraýǵa jol berilmeitinin aitty, dep habarlaidy Dalanews.kz
Ákimniń aitýynsha, milliardtaǵan qarjy alǵan merdiger uiymdar ýáde etilgen merzimde isin aiaqtamai, sapasyz jumys istep, qala kelbetine nuqsan keltirip otyr.
«Birneshe ondaǵan tehnika men jumysshy jumyldyrylady dep josparlanǵan nysandarda bar bolǵany bir-eki kólik pen sanaýly adam júr. Al turǵyndar opyrylyp ketken jolǵa, shań men topyraqqa, qazylǵannan keiin qaita qalpyna keltirilmegen aýmaqtarǵa shaǵymdanyp jatyr. Bul jumys emes, bul jaýapsyzdyq», – dedi ákim.
Merdigerlerdiń salǵyrttyǵy saldarynan jobalar uzaqqa sozylyp, keide qarjylyq qiyndyqtarǵa bailanysty toqtap qalady. Qurylys barysynda tehnologiialyq talaptardyń saqtalmaýy men qazylǵan joldyń qaita qalpyna keltirilmeýi de qala basshysynyń synyna ushyrady.
«Ákimniń aitýynsha, nebári birneshe merdiger uiymǵa ǵana 38 milliard teńgeden astam qarjy bólingendikten, mundai aýqymdy investitsiia kezinde qala biligi nátijeni talap etýge tolyq quqyly.
«Jaǵdaidy syrtqy sebepterge siltep, kináni basqaǵa artýǵa bolmaidy. Jumysty sapaly da ýaqytyly oryndasyn, áitpese Almaty jobalarynan olardy shettetemiz. Salǵyrttyqqa jol bergenderdi litsenziiasynan aiyryp, jaýapqa tartamyz», – dedi Darhan Satybaldy.
