الماتى ەكٸمٸ دارحان ساتىبالدى مەردٸگەر ۇيىمداردىڭ قۇرىلتايشىلارىمەن ٶتكەن كەڭەستە قالانىڭ جوبالارعا نەمقۇرايلى قاراۋعا جول بەرٸلمەيتٸنٸن ايتتى, دەپ حابارلايدى Dalanews.kz
ەكٸمنٸڭ ايتۋىنشا, ميللياردتاعان قارجى العان مەردٸگەر ۇيىمدار ۋەدە ەتٸلگەن مەرزٸمدە ٸسٸن اياقتاماي, ساپاسىز جۇمىس ٸستەپ, قالا كەلبەتٸنە نۇقسان كەلتٸرٸپ وتىر.
«بٸرنەشە ونداعان تەحنيكا مەن جۇمىسشى جۇمىلدىرىلادى دەپ جوسپارلانعان نىسانداردا بار بولعانى بٸر-ەكٸ كٶلٸك پەن ساناۋلى ادام جٷر. ال تۇرعىندار وپىرىلىپ كەتكەن جولعا, شاڭ مەن توپىراققا, قازىلعاننان كەيٸن قايتا قالپىنا كەلتٸرٸلمەگەن اۋماقتارعا شاعىمدانىپ جاتىر. بۇل جۇمىس ەمەس, بۇل جاۋاپسىزدىق», – دەدٸ ەكٸم.
مەردٸگەرلەردٸڭ سالعىرتتىعى سالدارىنان جوبالار ۇزاققا سوزىلىپ, كەيدە قارجىلىق قيىندىقتارعا بايلانىستى توقتاپ قالادى. قۇرىلىس بارىسىندا تەحنولوگييالىق تالاپتاردىڭ ساقتالماۋى مەن قازىلعان جولدىڭ قايتا قالپىنا كەلتٸرٸلمەۋٸ دە قالا باسشىسىنىڭ سىنىنا ۇشىرادى.
«ەكٸمنٸڭ ايتۋىنشا, نەبەرٸ بٸرنەشە مەردٸگەر ۇيىمعا عانا 38 ميلليارد تەڭگەدەن استام قارجى بٶلٸنگەندٸكتەن, مۇنداي اۋقىمدى ينۆەستيتسييا كەزٸندە قالا بيلٸگٸ نەتيجەنٸ تالاپ ەتۋگە تولىق قۇقىلى.
«جاعدايدى سىرتقى سەبەپتەرگە سٸلتەپ, كٸنەنٸ باسقاعا ارتۋعا بولمايدى. جۇمىستى ساپالى دا ۋاقىتىلى ورىنداسىن, ەيتپەسە الماتى جوبالارىنان ولاردى شەتتەتەمٸز. سالعىرتتىققا جول بەرگەندەردٸ ليتسەنزيياسىنان ايىرىپ, جاۋاپقا تارتامىز», – دەدٸ دارحان ساتىبالدى.
