Almaty qalasyndaǵy Jambyl – Jarokov – Shevchenko – Gagarin kósheleriniń aýmaǵyndaǵy jaqyn mańdaǵy úilerdiń turǵyndary jaryqty retteý, jol tósemin qalpyna keltirý jáne oiyn alańdaryn retke keltirý týraly bastama kóterdi.
Aýmaqtaǵy turǵyndar úshin Gandi saiabaǵy bos ýaqyt ótkizýge, demalýǵa taptyrmas basty oryn. Saiabaqqa kún saiyn 2 myńnan astam adam keledi. Oiyn alańdary men vorkaýtty jańartý, demalys aimaqtaryn, saiabaqta júgirý joldaryn jasaý jónindegi usynystardy «Halyq qatysatyn biýdjet» baǵdarlamasynda daýys berý kezeńinde qala turǵyndary belsendi qoldady.
Abattandyrý jumystarynyń 90% júrgizilgen. Saiabaqta átkenshegi bar 17 pergola, jaryq tartylǵan 6 besedka, 3 shahmat ústeli, 5 aýyz sý burqaǵy ornatylǵan.
Sonymen qatar, aýdan ákiminiń aitýynsha, turǵyndarǵa yńǵaily bolý úshin itterdi serýendetýge arnalǵan aimaq iri jáne kishi tuqym úshin bólinip jasalǵan. Saiabaqtaǵy jumysty osy jyldyń 15 qarashasynda tolyq aiaqtaý josparlanyp otyr, nysanǵa 90 adam jumyldyryldy.
Saiabaqty aralaý barysynda aýdan turǵyndary Almaty ákimine kishkentai balalarǵa arnalǵan balalar alańyn beiimdeý týraly ótinishin aitty. Osylaisha ata-analar balalarynyń qaýipsizdigine alańdaitynyn bildirdi.
Qalada turǵyndardyń demalysy úshin ashylǵan taǵy bir jobany Almaty ákimi jumys sapary kezinde aralady.
Áýezov aýdanyndaǵy Jandosov kóshesiniń ońtústiginde jáne Súleimenov kóshesiniń shyǵysynda jaiaý serýendeý aimaǵyn abattandyrý aiaqtaldy. Joba «Halyq qatysatyn biýdjet» baǵdarlamasy aiasynda júzege asyryldy. Búkil aýmaq jaryqtandyrylyp, jasyl jelekterdi avtomatty sýarý júiesi ornatyldy.
