الماتى قالاسىنداعى جامبىل – جاروكوۆ – شەۆچەنكو – گاگارين كٶشەلەرٸنٸڭ اۋماعىنداعى جاقىن ماڭداعى ٷيلەردٸڭ تۇرعىندارى جارىقتى رەتتەۋ, جول تٶسەمٸن قالپىنا كەلتٸرۋ جەنە ويىن الاڭدارىن رەتكە كەلتٸرۋ تۋرالى باستاما كٶتەردٸ.
اۋماقتاعى تۇرعىندار ٷشٸن گاندي ساياباعى بوس ۋاقىت ٶتكٸزۋگە, دەمالۋعا تاپتىرماس باستى ورىن. ساياباققا كٷن سايىن 2 مىڭنان استام ادام كەلەدٸ. ويىن الاڭدارى مەن ۆوركاۋتتى جاڭارتۋ, دەمالىس ايماقتارىن, ساياباقتا جٷگٸرۋ جولدارىن جاساۋ جٶنٸندەگٸ ۇسىنىستاردى «حالىق قاتىساتىن بيۋدجەت» باعدارلاماسىندا داۋىس بەرۋ كەزەڭٸندە قالا تۇرعىندارى بەلسەندٸ قولدادى.
اباتتاندىرۋ جۇمىستارىنىڭ 90% جٷرگٸزٸلگەن. ساياباقتا ەتكەنشەگٸ بار 17 پەرگولا, جارىق تارتىلعان 6 بەسەدكا, 3 شاحمات ٷستەلٸ, 5 اۋىز سۋ بۇرقاعى ورناتىلعان.
سونىمەن قاتار, اۋدان ەكٸمٸنٸڭ ايتۋىنشا, تۇرعىندارعا ىڭعايلى بولۋ ٷشٸن يتتەردٸ سەرۋەندەتۋگە ارنالعان ايماق ٸرٸ جەنە كٸشٸ تۇقىم ٷشٸن بٶلٸنٸپ جاسالعان. ساياباقتاعى جۇمىستى وسى جىلدىڭ 15 قاراشاسىندا تولىق اياقتاۋ جوسپارلانىپ وتىر, نىسانعا 90 ادام جۇمىلدىرىلدى.
ساياباقتى ارالاۋ بارىسىندا اۋدان تۇرعىندارى الماتى ەكٸمٸنە كٸشكەنتاي بالالارعا ارنالعان بالالار الاڭىن بەيٸمدەۋ تۋرالى ٶتٸنٸشٸن ايتتى. وسىلايشا اتا-انالار بالالارىنىڭ قاۋٸپسٸزدٸگٸنە الاڭدايتىنىن بٸلدٸردٸ.
قالادا تۇرعىنداردىڭ دەمالىسى ٷشٸن اشىلعان تاعى بٸر جوبانى الماتى ەكٸمٸ جۇمىس ساپارى كەزٸندە ارالادى.
ەۋەزوۆ اۋدانىنداعى جاندوسوۆ كٶشەسٸنٸڭ وڭتٷستٸگٸندە جەنە سٷلەيمەنوۆ كٶشەسٸنٸڭ شىعىسىندا جاياۋ سەرۋەندەۋ ايماعىن اباتتاندىرۋ اياقتالدى. جوبا «حالىق قاتىساتىن بيۋدجەت» باعدارلاماسى اياسىندا جٷزەگە اسىرىلدى. بٷكٸل اۋماق جارىقتاندىرىلىپ, جاسىل جەلەكتەردٸ اۆتوماتتى سۋارۋ جٷيەسٸ ورناتىلدى.
