الماتى قالاسىنداعى جامبىل – جاروكوۆ – شيەۆچەنكو – گاگارين كوشەلەرىنىڭ اۋماعىنداعى جاقىن ماڭداعى ۇيلەردىڭ تۇرعىندارى جارىقتى رەتتەۋ، جول توسەمىن قالپىنا كەلتىرۋ جانە ويىن الاڭدارىن رەتكە كەلتىرۋ تۋرالى باستاما كوتەردى.
اۋماقتاعى تۇرعىندار ءۇشىن گاندي ساياباعى بوس ۋاقىت وتكىزۋگە، دەمالۋعا تاپتىرماس باستى ورىن. ساياباققا كۇن سايىن 2 مىڭنان استام ادام كەلەدى. ويىن الاڭدارى مەن ۆوركاۋتتى جاڭارتۋ، دەمالىس ايماقتارىن، ساياباقتا جۇگىرۋ جولدارىن جاساۋ جونىندەگى ۇسىنىستاردى «حالىق قاتىساتىن بيۋدجەت» باعدارلاماسىندا داۋىس بەرۋ كەزەڭىندە قالا تۇرعىندارى بەلسەندى قولدادى.
ساياباققا بارعان كەزدە المالى اۋدانىنىڭ اكىمى ايدار جاقىبايەۆ قالا باسشىسىنا جۇمىستىڭ ءۇش باعىتتا جۇرگىزىلگەنى تۋرالى باياندادى. 80%-عا ساياباقتا كوگالداندىرۋ بويىنشا مىندەتتەر ورىندالىپ، كابەلدىك جەلىنىڭ جانە جارىقتاندىرۋ تىرەكتەرىنىڭ زاقىمدانۋىن اۋىستىرۋ اياقتالعانىن العا تارتتى.
اباتتاندىرۋ جۇمىستارىنىڭ 90% جۇرگىزىلگەن. ساياباقتا اتكەنشەگى بار 17 پەرگولا، جارىق تارتىلعان 6 بەسەدكا، 3 شاحمات ۇستەلى، 5 اۋىز سۋ بۇرقاعى ورناتىلعان.
سونىمەن قاتار، اۋدان اكىمىنىڭ ايتۋىنشا، تۇرعىندارعا ىڭعايلى بولۋ ءۇشىن يتتەردى سەرۋەندەتۋگە ارنالعان ايماق ءىرى جانە كىشى تۇقىم ءۇشىن ءبولىنىپ جاسالعان. ساياباقتاعى جۇمىستى وسى جىلدىڭ 15 قاراشاسىندا تولىق اياقتاۋ جوسپارلانىپ وتىر، نىسانعا 90 ادام جۇمىلدىرىلدى.
ساياباقتى ارالاۋ بارىسىندا اۋدان تۇرعىندارى الماتى اكىمىنە كىشكەنتاي بالالارعا ارنالعان بالالار الاڭىن بەيىمدەۋ تۋرالى ءوتىنىشىن ايتتى. وسىلايشا اتا-انالار بالالارىنىڭ قاۋىپسىزدىگىنە الاڭدايتىنىن ءبىلدىردى.
– ءبىزدىڭ ءارتۇرلى جاستاعى بالالاردى بىرىكتىرگەن تاجىريبەمىز بار. ايماقتاردى ءبولۋ قاجەت، – دەدى ەربولات دوسايەۆ. قالا باسشىسى اۋدان اكىمىنە وسى ماسەلەنى پىسىقتاۋدى تاپسىردى. سونىمەن بىرگە، ەربولات دوسايەۆ ساياباققا كەلۋشىلەر ءۇشىن ىڭعايلى سوقپاقتاردى قاراستىرۋ قاجەتتىگىنە نازار اۋداردى.
قالادا تۇرعىنداردىڭ دەمالىسى ءۇشىن اشىلعان تاعى ءبىر جوبانى الماتى اكىمى جۇمىس ساپارى كەزىندە ارالادى.
اۋەزوۆ اۋدانىنداعى جاندوسوۆ كوشەسىنىڭ وڭتۇستىگىندە جانە سۇلەيمەنوۆ كوشەسىنىڭ شىعىسىندا جاياۋ سەرۋەندەۋ ايماعىن اباتتاندىرۋ اياقتالدى. جوبا «حالىق قاتىساتىن بيۋدجەت» باعدارلاماسى اياسىندا جۇزەگە اسىرىلدى. بۇكىل اۋماق جارىقتاندىرىلىپ، جاسىل جەلەكتەردى اۆتوماتتى سۋارۋ جۇيەسى ورناتىلدى.
