Megapolis ákimi Erbolat Dosaev Hyundai Trans Kazakhstan jeńil avtokólikter shyǵaratyn otandyq zaýytta boldy.
«Astana Motors» enshiles kásiporny qalanyń Indýstriialyq aimaǵynda ornalasqan.
Qazirgi ýaqytta kásiporynda 736 qyzmetker jumys isteidi, ortasha jalaqy 290 myń teńgeni quraidy. 2021 jyly 26 myń avtokólik óndirildi, bul rette el biýdjetine salyq aýdarymdary 9,4 mlrd. teńgeni qurady.
Aǵymdaǵy jyly kásiporyn tolyq qýatyna shyǵyp, jylyna 45 myń avtokólik shyǵarýdy josparlap otyr. Hyundai Tucson modeliniń usaq túiindi óndirisi iske qosyldy. Endi eki model – Accent jáne Tucson – dánekerleý jáne boiaý ádisimen shyǵarylady.
2022 jyly óndirilgen avtokólikterdiń 26%-yn eksportqa jiberý josparlanyp otyr – 10 myńy – Ózbekstanǵa, 1,5 myńy – Belarýs pen Qyrǵyzstanǵa.
Sapar aiasynda Astana Group kompaniiasynyń negizin qalaýshy Nurlan Smaǵulov ákimge avtokomponentter shyǵaratyn bolashaq zaýyttyń jobasyn tanystyrdy.
«Avtokomponentter shyǵaratyn jańa kásiporyn Hyundai Trans Kazakhstan zaýytynyń janynda ornalasatyn bolady, oǵan 13,5 Ga jer telimi bólingen. Munda oryndyqtar, plastikalyq bólshekter men avtokólikterge arnalǵan aksessýarlar, sondai-aq mýltimediialyq júieler shyǵarý josparlanýda. Zaýyt qurylysy biylǵy jyldyń kúzine josparlanǵan», - dedi Smaǵulov.
Sonymen qatar avtokólik shyǵaratyn taǵy bir zaýyt salý múmkindigi týraly, sondai-aq shanaq bólshekteriniń qalyptama óndirisin qurý týraly halyqaralyq áriptestermen kelissózder júrgizilýde. Kásiporyn óndiristiń jergiliktenýin arttyrýǵa nietti.
Nurlan Smaǵulov atap ótkendei, óndiristi keńeitý – bul indýstriiany damytýǵa qosqan úles qana emes, sonymen qatar jańa jumys oryndaryn qurý, jas tehnikalyq mamandardy qoldaý bolyp tabylady. Zaýyt qyzmetkerleri tolyq áleýmettik paketpen qamtylǵan.
Al biylǵy jyldyń kúzinde Alataý aýdanynda Hyundai Trans Kazakhstan personalyna arnalǵan shaǵyn otbasylyq úlgidegi jaily jataqhananyń qurylysy bastalady.
Esterińizge sala keteiik, Hyundai Trans Kazakhstan jobasy Qazaqstannyń Indýstriia jáne infraqurylymdyq damý ministrliginiń, Syrtqy ister ministrliginiń Investitsiialar komitetiniń, Almaty qalasy ákimdiginiń qoldaýymen júzege asyryldy.
Jobaǵa salynǵan investitsiialardyń jalpy kólemi – 30 mlrd. teńgeden asady.
Onyń 34%-y (10 mlrd. teńgeden astamy) – «Astana Motors» menshikti qarajaty, 66%-y (20 mlrd. teńge) – «Qazaqstannyń Damý Banki» AQ men «Ónerkásipti damytý qory» AQ-nan tartylǵan kredittik qarajat.
