Almaty ákimi Darhan Satybaldy otandyq jáne sheteldik investorlardyń qatysýymen investitsiialyq shtabtyń otyrysyn ótkizdi, dep habarlaidy Dalanews.kz.
Otyrysta qalanyń negizgi ekonomikalyq salalaryn damytýǵa baǵyttalǵan 8 joba qaraldy. Jobalar farmatsevtika, qurylys, týrizm, halyq tutynatyn taýarlar óndirisi, IT jáne tsifrlandyrýdy qamtidy.
Qala basshysy indýstriialyq aimaqtarda iske asyrylatyn jobalardy irikteý kezinde joǵary qosylǵan qunǵa ie, eksporttyq áleýeti bar jáne innovatsiialyq tehnologiialardy engizetin bastamalarǵa basymdyq berilýi tiis ekenin atap ótti.
«Árbir investitsiialyq joba Almatyǵa tek ekonomikalyq paida ákelip qana qoimai, aiqyn áleýmettik áser berýi kerek – óndiristi damytýǵa, salyq túsimderin arttyrýǵa jáne qala turǵyndary úshin jumys oryndaryn ashýǵa yqpal etýi qajet. Bizdiń maqsatymyz – berilgen árbir jer ýchaskesi qalanyń jáne onyń turǵyndarynyń igiligine jumys isteýi», – dep atap ótti ákim.
