الماتى اكىمى دارحان ساتىبالدى وتاندىق جانە شەتەلدىك ينۆەستورلاردىڭ قاتىسۋىمەن ينۆەستيسيالىق شتابتىڭ وتىرىسىن وتكىزدى، دەپ حابارلايدى Dalanews.kz.
وتىرىستا قالانىڭ نەگىزگى ەكونوميكالىق سالالارىن دامىتۋعا باعىتتالعان 8 جوبا قارالدى. جوبالار فارماسيەۆتيكا، قۇرىلىس، تۋريزم، حالىق تۇتىناتىن تاۋارلار ءوندىرىسى، IT جانە سيفرلاندىرۋدى قامتيدى.
قالا باسشىسى يندۋستريالىق ايماقتاردا ىسكە اسىرىلاتىن جوبالاردى ىرىكتەۋ كەزىندە جوعارى قوسىلعان قۇنعا يە، ەكسپورتتىق الەۋەتى بار جانە يننوۆاسيالىق تەحنولوگيالاردى ەنگىزەتىن باستامالارعا باسىمدىق بەرىلۋى ءتيىس ەكەنىن اتاپ ءوتتى.
«ءاربىر ينۆەستيسيالىق جوبا الماتىعا تەك ەكونوميكالىق پايدا اكەلىپ قانا قويماي، ايقىن الەۋمەتتىك اسەر بەرۋى كەرەك – ءوندىرىستى دامىتۋعا، سالىق تۇسىمدەرىن ارتتىرۋعا جانە قالا تۇرعىندارى ءۇشىن جۇمىس ورىندارىن اشۋعا ىقپال ەتۋى قاجەت. ءبىزدىڭ ماقساتىمىز – بەرىلگەن ءاربىر جەر ۋچاسكەسى قالانىڭ جانە ونىڭ تۇرعىندارىنىڭ يگىلىگىنە جۇمىس ىستەۋى»، – دەپ اتاپ ءوتتى اكىم.
