Almatyda Azıa-Tynyq muhıty aımaǵyndaǵy joǵary bilim berý máselelerine arnalǵan pre-sammıt bastaldy. İs-shara Qazaqstandaǵy joǵary bilimniń damýy men jetistikteriniń sımvoly ispetti bolǵan ál-Farabı atyndaǵy Qazaq ulttyq ýnıversıtetinde ótip jatyr, dep habarlaıdy Dalanews.kz.
Pre-sammıtke Almaty ákimi Erbolat Dosaev, Ǵylym jáne joǵary bilim mınıstri Saıasat Nurbek, Qazaqstan Respýblıkasy Prezıdentiniń keńesshisi Málik Otarbaev, ál-Farabı atyndaǵy QazUÝ rektory Janseıit Túımebaev qatysýda.
İs-sharaǵa Qytaı, Japonıa, Malaızıa, Indonezıa, Úndistan jáne t.b. 16 eldiń 350 JOO-nyń ókili jınaldy.
Bul oqıǵa Azıa-Tynyq muhıty aımaǵynyń qarqyndy damyp kele jatqan eńbek naryǵyn qalyptastyrýdaǵy ýnıversıtetterdiń ortalyq rólin talqylaýǵa arnalyp otyr. Kezdesýdiń basty taqyryby Ortalyq Azıa elderindegi joǵary bilim berý salasyndaǵy ınovasıalyq tásilder arqyly serpindi landshaftty damytý jáne birlesken sheshimder izdeý.
Pre-sammıt sońynda QS World University Rankings 2025 reıtıńisinde úzdik atanǵan ýnıversıtetterdi marapattaý rásimi ótedi. Álemniń 1500 ýnıversıteti kirgen reıtıńte ál-Farabı atyndaǵy QazUÝ 163-oryndy ıelendi.
Aıta keteıik, búginde Almatyda 35 joǵary oqý orny bar, onda 199 myńnan astam stýdent oqıdy, onyń 124 myńy ózge óńirden kelgender.
