الماتىدا ازيا-تىنىق مۇحيتى ايماعىنداعى جوعارى ءبىلىم بەرۋ ماسەلەلەرىنە ارنالعان پرە-سامميت باستالدى. ءىس-شارا قازاقستانداعى جوعارى ءبىلىمنىڭ دامۋى مەن جەتىستىكتەرىنىڭ سيمۆولى ىسپەتتى بولعان ءال-فارابي اتىنداعى قازاق ۇلتتىق ۋنيۆەرسيتەتىندە ءوتىپ جاتىر، دەپ حابارلايدى Dalanews.kz.
پرە-سامميتكە الماتى اكىمى ەربولات دوسايەۆ، عىلىم جانە جوعارى ءبىلىم ءمينيسترى ساياسات نۇربەك، قازاقستان رەسپۋبليكاسى پرەزيدەنتىنىڭ كەڭەسشىسى مالىك وتاربايەۆ، ءال-فارابي اتىنداعى قازۇۋ رەكتورى جانسەيىت تۇيمەبايەۆ قاتىسۋدا.
ءىس-شاراعا جۇڭگو، جاپونيا، مالايزيا، يندونەزيا، ءۇندىستان جانە ت.ب. 16 ەلدىڭ 350 جوو-نىڭ وكىلى جينالدى.
بۇل وقيعا ازيا-تىنىق مۇحيتى ايماعىنىڭ قارقىندى دامىپ كەلە جاتقان ەڭبەك نارىعىن قالىپتاستىرۋداعى ۋنيۆەرسيتەتتەردىڭ ورتالىق ءرولىن تالقىلاۋعا ارنالىپ وتىر. كەزدەسۋدىڭ باستى تاقىرىبى ورتالىق ازيا ەلدەرىندەگى جوعارى ءبىلىم بەرۋ سالاسىنداعى يننوۆاسيالىق تاسىلدەر ارقىلى سەرپىندى لاندشافتتى دامىتۋ جانە بىرلەسكەن شەشىمدەر ىزدەۋ.
پرە-سامميت سوڭىندا QS World University Rankings 2025 رەيتينگىسىندە ۇزدىك اتانعان ۋنيۆەرسيتەتتەردى ماراپاتتاۋ ءراسىمى وتەدى. الەمنىڭ 1500 ۋنيۆەرسيتەتى كىرگەن رەيتينگتە ءال-فارابي اتىنداعى قازۇۋ 163-ورىندى يەلەندى.
ايتا كەتەيىك، بۇگىندە الماتىدا 35 جوعارى وقۋ ورنى بار، وندا 199 مىڭنان استام ستۋدەنت وقيدى، ونىڭ 124 مىڭى وزگە وڭىردەن كەلگەندەر.
