Almaty ákimi Darhan Satybaldy injenerlik jelilerdiń qurylysy jáne qalanyń júieleri men infraqurylym nysandaryn kúzgi-qysqy kezeńge daiyndaý máseleleri boiynsha keńes ótkizdi,- dep habarlaidy Dalanews.kz
Keńeste injenerlik infraqurylymnyń úzdiksiz jumysyn qamtamasyz etý is-sharalary qaraldy. Sý jáne energetika basqarmasynyń basshysy Nurbaqyt Serikbai sý qubyry men káriz jelilerindegi jóndeý jumystary týraly baiandady.
«25 tamyzdan bastap Rozybakiev pen Baiqadamov kósheleriniń qiylysynda, sondai-aq Sátpaev – Baitursynuly, Buqar jyraý – Markov jáne Bekmahanov kóshelerinde kólik qozǵalysy ashyldy. 1 qyrkúiekke deiin Lavrenev pen Ǵabdýllin kóshelerinde qozǵalys qaita jandanady. Al Jambyl jáne Jarokov kóshelerinde qozǵalys 7 qyrkúiekke deiin ashylady», – dedi Nurbaqyt Serikbai.
Sonymen qatar keńeste «Tamariks», «Sakýra» jáne «Altyn Siti» turǵyn úi keshenderindegi máseleler qaraldy. Bul jerde qurylys kompaniialarymen birlesip jylý qazandyqtaryn iske qosý jumystary júrgizilýde.
Qala ákimi Darhan Satybaldy iesiz modýldik qazandyqtardyń jumysyn erekshe baqylaýǵa alýdy tapsyrdy. Onyń aitýynsha, jaýapty mekemelerdiń bolmaýy jylýmen qamtýda aqaýlarǵa ákelmeýi tiis.
Budan bólek, merdiger uiymdarmen ózara jumys máseleleri talqylandy. Ákim qazylǵan jerlerdegi jol jabyndysyn qysqa merzimde qalpyna keltirýdi mindettedi.
Keńes qorytyndysynda Darhan Satybaldy kúzgi-qysqy kezeńge daiyndyq — ákimdiktiń basty baǵyttarynyń biri ekenin atap ótti. Barlyq is-sharalardyń oryndalýy turaqty baqylaýda bolady.
