Almaty ákimi Erbolat Dosaev Qytaiǵa jumys sapary aiasynda Shanhaidyń múgedekter federatsiiasynyń tóraǵasy Dý Sýntsiýanmen kezdesti,- dep habarlaidy Dalanews.kz
Kezdesý Sunshine 201 ortalyǵynda ótti. Ortalyq erekshe qajettiligi bar adamdardy jumyspen qamtý, oqytý, ońaltý jáne biznes inkýbatsiialaý qyzmetterin usynady. Onyń ońaltý baǵdarlamalarynyń tiimdiligi 90%-dan asady.
Erbolat Dosaev inkliýziiany damytýdaǵy shanhailyq tájiribeniń mańyzdylyǵyn atap ótti. Ásirese, zańnamany jetildirý, infraqurylymdy damytý, jumys oryndaryna kvota bólý jáne qyzmetterdi avtomatty túrde irikteýde jasandy intellektini qoldaný máseleleri qyzyǵýshylyq týdyrdy.
Taraptar Almatyda inkliýzivti ortany damytý boiynsha birlesken jospar ázirleý múmkindigin talqylady. Bul erekshe qajettiligi bar azamattardy áleýmettik qoldaý men jumyspen qamtýǵa baǵyttalǵan jańa jobalardy tabysty júzege asyrýǵa múmkindik beredi.
Barlyq qala turǵyny úshin teń múmkindikter jasaý – ákimdiktiń basym baǵytynyń biri.
Almaty ákimdigi Shanhai Múgedekter federatsiiasymen yntymaqtastyqty nyǵaitty
Almaty ákimdiginiń baspasóz qyzmeti
