الماتى اكىمى ەربولات دوسايەۆ قىتايعا جۇمىس ساپارى اياسىندا شانحايدىڭ مۇگەدەكتەر فەدەراسياسىنىڭ ءتوراعاسى دۋ سۋنسيۋانمەن كەزدەستى،- دەپ حابارلايدى Dalanews.kz

كەزدەسۋ Sunshine 201 ورتالىعىندا ءوتتى. ورتالىق ەرەكشە قاجەتتىلىگى بار ادامداردى جۇمىسپەن قامتۋ، وقىتۋ، وڭالتۋ جانە بيزنەس ينكۋباسيالاۋ قىزمەتتەرىن ۇسىنادى. ونىڭ وڭالتۋ باعدارلامالارىنىڭ تيىمدىلىگى 90%-دان اسادى.

ەربولات دوسايەۆ ينكليۋزيانى دامىتۋداعى شانحايلىق تاجىريبەنىڭ ماڭىزدىلىعىن اتاپ ءوتتى. اسىرەسە، زاڭنامانى جەتىلدىرۋ، ينفراقۇرىلىمدى دامىتۋ، جۇمىس ورىندارىنا كۆوتا ءبولۋ جانە قىزمەتتەردى اۆتوماتتى تۇردە ىرىكتەۋدە جاساندى ينتەللەكتىنى قولدانۋ ماسەلەلەرى قىزىعۋشىلىق تۋدىردى.

تاراپتار الماتىدا ينكليۋزيۆتى ورتانى دامىتۋ بويىنشا بىرلەسكەن جوسپار ازىرلەۋ مۇمكىندىگىن تالقىلادى. بۇل ەرەكشە قاجەتتىلىگى بار ازاماتتاردى الەۋمەتتىك قولداۋ مەن جۇمىسپەن قامتۋعا باعىتتالعان جاڭا جوبالاردى تابىستى جۇزەگە اسىرۋعا مۇمكىندىك بەرەدى.

بارلىق قالا تۇرعىنى ءۇشىن تەڭ مۇمكىندىكتەر جاساۋ – اكىمدىكتىڭ باسىم باعىتىنىڭ ءبىرى.